> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ബൈക്കും കണ്ടെയ്നർ ലോറിയും കൂട്ടിയിടിച്ച് രണ്ട് യുവാക്കൾ മരിച്ചു
- URL: https://www.vaikomvartha.com/accident-35/
- Published: 2026-08-28T02:02:38.000Z
- Updated: 2026-08-28T13:30:31.000Z
- Author:  Vaikom Vartha News Desk
- Tags: Main News

തലയോലപ്പറമ്പ്: സീപോർട്ട്-എയർപോർട്ട് റോഡിൽ ബൈക്കും ട്രെയിലർ ലോറിയും കൂട്ടിയിടിച്ച് രണ്ട് ബൈക്കുയാത്രികർ മരിച്ചു. ആലപ്പുഴ കാർത്തികപ്പിള്ളി നങ്ങ്യാർകുളങ്ങര പള്ളിപ്പാട് ശ്രീദിനുഭവനിൽ ആർ. ദിൻരാജ് (22), തലയോലപ്പറമ്പ് പൊതി ചാമക്കാലയിൽ മാത്യു ജോമോൻ (23) എന്നിവരാണ് മരിച്ചത്. വ്യാഴാഴ്ച പുലർച്ചെ 1.45-ന് കാക്കനാട് മാവേലിപുരം ഓണം പാർക്കിനു സമീപമാ യിരുന്നു അപകടം.  
കാക്കനാട്ടുള്ള സ്വകാര്യ കമ്പനിയിലെ ജോലികഴിഞ്ഞ് താമസസ്ഥലത്തേക്ക് ബൈക്കിൽ മടങ്ങുകയായിരുന്നു ഇരുവരും.

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/08/1000679695-1.jpg)

ട്രെയിലർ ലോറി അശ്രദ്ധമായി പ്രധാന റോഡിലേക്ക് പ്രവേശിച്ചതാണ് അപകടകാരണമെന്ന് പോലീസ് പറഞ്ഞു. ബൈക്ക് ഓടിച്ചിരുന്ന ദിൻരാജും ഒപ്പമുണ്ടായിരുന്ന മാത്യുവും ഇടിയുടെ ശക്തിയിൽ റോഡിലേക്ക് തെറിച്ചുവീണു. ഗുരുതരമായി പരിക്കേറ്റ ഇരുവരെയും കാക്കനാട്ടുള്ള സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ദിൻരാജ് വ്യാഴാഴ്ച ഉച്ചയ്ക്കും മാത്യു വൈകീട്ടും മരിച്ചു. മൃതദേഹങ്ങൾ കാക്കനാട്ടെ സ്വകാര്യ ആശുപത്രി മോർച്ചറിയിൽ.  
മാത്യു ജോമോൻ്റെ അച്ഛൻ: ജോമോൻ.  
അമ്മ: ഷീജ. സഹോദരങ്ങൾ: മാഗി, മഹിമ.