> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# തിരുവനന്തപുരത്ത് വാഹനാപകടം: ജനം ടി.വി. ക്യാമറാമാൻ അഭിജിത്ത് ശ്രീകുമാർ അന്തരിച്ചു
- URL: https://www.vaikomvartha.com/accident-thiruvananthapuram/
- Published: 2026-07-27T05:11:54.000Z
- Updated: 2026-07-27T05:11:54.000Z
- Author:  Vaikom Vartha News Desk
- Tags: Latest News, Thiruvananthapuram

തിരുവനന്തപുരം: ജനം ടി.വി. തിരുവനന്തപുരം ബ്യൂറോയിലെ ക്യാമറാമാൻ അഭിജിത്ത് ശ്രീകുമാർ (26) വാഹനാപകടത്തിൽ അന്തരിച്ചു. ജോലി കഴിഞ്ഞ് രാത്രി വീട്ടിലേക്ക് മടങ്ങുന്നതിനിടെ തിരുവനന്തപുരം ഈഞ്ചയ്ക്കൽ ബൈപ്പാസിന് സമീപം വെച്ചായിരുന്നു അപകടം. പാറശ്ശാല സ്വദേശിയായ അഭിജിത്ത് സഞ്ചരിച്ചിരുന്ന ഇരുചക്രവാഹനത്തിൽ മറ്റൊരു വാഹനം ഇടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ അഭിജിത്തിനെ ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.  
കഴിഞ്ഞ കുറച്ചു നാളുകളായി ജനം ടി.വി. തിരുവനന്തപുരം ബ്യൂറോയിൽ ക്യാമറാമാനായി സേവനമനുഷ്ഠിച്ചു വരികയായിരുന്നു. പാറശ്ശാല സ്വദേശിയായ പരേതനായ ശ്രീകുമാറിന്റെയും ബീനയുടെയും മകനാണ്. സഹോദരൻ: അഭിരാം.  
മാധ്യമരംഗത്തെ സഹപ്രവർത്തകരും ജനപ്രതിനിധികളും വിയോഗത്തിൽ അനുശോചനം രേഖപ്പെടുത്തി. മൃതദേഹം പോസ്റ്റ്‌മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകും. സംസ്‌കാരം പാറശ്ശാലയിലെ വീട്ടുവളപ്പിൽ നടക്കും.