> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# പ്രകൃതിക്ഷോഭം: അടിയന്തിര സഹായം നൽകി എൻ.എസ്.എസ് യൂണിയൻ
- URL: https://www.vaikomvartha.com/adiyanthira-sahayam-nalki/
- Published: 2026-05-14T12:16:51.000Z
- Updated: 2026-05-14T12:16:51.000Z
- Author:  Vaikom Vartha News Desk
- Tags: Latest News

വൈക്കം: വരിക്കാംകുന്നിൽ പ്രകൃതിക്ഷോഭത്തിൽ വീട് പൂർണ്ണമായും തകർന്ന കുടുംബത്തിന് എൻ.എസ്.എസ് താലൂക്ക് യൂണിയൻ്റെ നേതൃത്വത്തിൽ അടിയന്തിര സാമ്പത്തിക സഹായം നൽകി. വാഴത്തറ ദിലീപിൻ്റെ വീടാണ് കനത്ത മഴയിലും കാറ്റിലും നിലംപൊത്തിയത്. ഈ കുടുംബത്തെ താല്ക്കാലികമായി വാടക വീട്ടിലേക്ക് മാറ്റി താമസിപ്പിച്ചു. എൻ.എസ്.എസ് യൂണിയൻ പ്രസിഡൻ്റ് പി.ജി.എം. നായർ കാരിക്കോടിൻ്റെ നേതൃത്വത്തിൽ യൂണിയൻ ഭാരവാഹികൾ സാമ്പത്തിക സഹായം കൈമാറി. വീട് പുനർ നിർമ്മിക്കുവാൻ സർക്കാർ സഹായവും സാമൂഹിക പ്രസ്ഥാനങ്ങളുടെയും സുമനസ്സുകളുടെയും സഹകരണം ഏകോപിപ്പിക്കാൻ കരയോഗത്തെ ചുമതലപ്പെടുത്തി. യൂണിയൻ ഭാരവാഹികളായ പി.എൻ. രാധാകൃഷ്ണൻ, പി.എസ്. വേണുഗോപാൽ, എസ്. മുരുകേശ്, കരയോഗ ഭാരവാഹികളായ എൻ. സുകുമാരൻ നായർ, ചന്ദ്രശേഖരൻ നായർ, രാധാകൃഷ്ണൻ നായർ തുടങ്ങിയവർ പങ്കെടുത്തു.