> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# അനധികൃത മദ്യവില്‍പന; ഒരാള്‍ പിടിയില്‍
- URL: https://www.vaikomvartha.com/anadikritha-madyavilpana/
- Published: 2026-05-02T14:20:38.000Z
- Updated: 2026-05-02T14:20:38.000Z
- Author:  Vaikom Vartha News Desk
- Tags: Latest News

വൈക്കം: അനധികൃത മദ്യവില്‍പന നടത്തിയ തലയാഴം പണാമഠം കോളനിയില്‍ പി.ആര്‍. മണിലാലിലനെ എക്‌സൈസ് സംഘം പിടികൂടി. എക്‌സൈസ് റേഞ്ച് ഇന്‍സ്‌പെക്ടറുടെ നേതൃത്വത്തില്‍ ഡ്രൈഡേ ദിവസം നടത്തിയ പരിശോധനയിലാണ് പ്രതിയെ പിടികൂടിയത്. ആറു ലിറ്റര്‍ മദ്യവും കണ്ടെടുത്തു. കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു. മദ്യം എത്തിച്ചു നല്‍കിയ തലയാഴം പട്ടേരില്‍ റോജന്‍ പി. ജോണ്‍ (ചക്കര) വാഹനത്തില്‍ മദ്യവുമായി രക്ഷപ്പെട്ടു. പണാമഠം കോളനി കേന്ദ്രീകരിച്ച് വന്‍തോതില്‍ മദ്യവില്‍പ്പന നടത്തി വരുകയായിരുന്ന റോജന്‍ പി. ജോണിനെതിരെ കൂടുതല്‍ അന്വേഷണം നടത്തി അറസ്റ്റ് രേഖപ്പെടുത്തുമെന്ന് എക്‌സൈസ് ഇന്‍സ്‌പെക്ടര്‍ അറിയിച്ചു. എക്‌സൈസ് ഇന്‍സ്‌പെക്ടര്‍ ടി.എ. പ്രമോദ്, അസി. എക്‌സൈസ് ഇന്‍സ്‌പെക്ടര്‍ ഇ.ഒ നജീബ്, ആര്‍. അജയകുമാര്‍, പി.എസ്. ശ്യാംകുമാര്‍, പി.എസ്. സുമിതാ മോള്‍, ഡ്രൈവര്‍ സിയാദ് എന്നിവര്‍ റെയ്ഡിനു നേതൃത്വം നല്‍കി. 

അനധികൃത മദ്യം, മയക്കുമരുന്ന് വില്‍പന 04829 217440, 9400069521 എന്നീ നമ്പറുകളില്‍ അറിയിക്കുക.