> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# മൃഗാശുപത്രിയിൽ നിന്ന് അണലിയെ പിടികൂടി
- URL: https://www.vaikomvartha.com/analiye-pidikoodi/
- Published: 2026-06-05T14:32:42.000Z
- Updated: 2026-06-05T14:32:42.000Z
- Author:  Vaikom Vartha News Desk
- Tags: Latest News

വൈക്കം: വടയാറിലെ മൃഗാശുപത്രിയിൽ നിന്ന് അണലിയെ പിടികൂടി.കെട്ടിടത്തിന്റെ വരാന്തയിലാണ് അണലിയെ കണ്ടത്. ഇന്ന് രാവിലെയാണ് നാല് മാസത്തോളം പ്രായമായ അണലിയെ പിടികൂടിയത്. രാവിലെ എട്ട് മണിയോടുകൂടി ജീവനക്കാരിയായ പി.ആര്‍. ബിന്ദു ആശുപത്രി തുറക്കുന്നതിനിടെയാണ് വാതിലിന് സമീപം അണലിയെ കണ്ടത്. കോട്ടയം പാറമ്പുഴയിലുള്ള വനംവകുപ്പ് ഓഫീസില്‍ വിവരം അറിയിച്ചതിനെ തുടര്‍ന്ന് സര്‍പ്പ വാളന്റിയര്‍ ശ്രീകാന്ത് കാരിക്കോട് സ്ഥലത്തെത്തി പാമ്പിനെ പിടികൂടി. ഒരാഴ്ചമുമ്പും മൃഗാശുപത്രി പരിസരത്ത് പാമ്പിന്‍ കുഞ്ഞിനെ കണ്ടിരുന്നു. സാധാരണയായി അണലിക്ക് ഒറ്റ പ്രസവത്തില്‍ 20 മുതല്‍ 22 വരെ കുഞ്ഞുങ്ങുള്‍ ഉണ്ടാകാറുണ്ട്. അതിനാല്‍ പരിസര പ്രദേശത്ത് ഇനിയും കുഞ്ഞുങ്ങള്‍ ഉണ്ടാകാന്‍ സാധ്യതയുണ്ടെന്നാണ് പാമ്പിനെ പിടിക്കാൻ എത്തിയ സ്നേക് റസ്‌ക്യു വളൻ്റിയർ ശ്രീകാന്തിൻ്റെ മുന്നറിയിപ്പ് നൽകി.