> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# അഷ്ടബന്ധകലശം കൂപ്പൺ വിതരണ ഉദ്ഘാടനം നടത്തി
- URL: https://www.vaikomvartha.com/assttbndhklshn-kuupp-vitrnn-udghaattnn-ntttti/
- Published: 2026-03-06T11:57:50.000Z
- Updated: 2026-03-06T11:57:50.000Z
- Author:  Vaikom Vartha News Desk
- Tags: Latest News

തലയോലപ്പറമ്പ്: മറവൻതുരുത്ത് ശ്രീസുബ്രഹ്മണ്യ സ്വാമി ക്ഷേത്രത്തിലെ അഷ്ടബന്ധകലശത്തിന് മുന്നോടിയായി കൂപ്പൺ വിതരണോദ്ഘാടനം നടത്തി. ക്ഷേത്രാങ്കണത്തിൽ നടന്ന ചടങ്ങിൽ മനയത്താറ്റില്ലത്ത് പ്രകാശൻ നമ്പൂതിരിയിൽ നിന്ന് ചലചിത്രതാരം ബാല കൂപ്പൺ ഏറ്റുവാങ്ങി ഉദ്ഘാടനം നിർവഹിച്ചു. ക്ഷേത്രം തന്ത്രി മനയത്താറ്റില്ലത്ത് ചന്ദ്രശേഖരൻ നമ്പൂതിരി മുഖ്യ കാർമികത്വം വഹിച്ചു. തുടർന്ന് ആദ്യ സംഭാവന ചിത്ര അനൂപിൽ നിന്ന് സ്വീകരിച്ചു. മെയ് 16 മുതൽ 21വരെയാണ് അഷ്ടബന്ധകലശം. ക്ഷേത്രം മേൽശാന്തിമാരായ വിപിൻ നമ്പൂതിരി, അനന്തൻപോറ്റി, ക്ഷേത്രം ഭാരവാഹികളായ വി.എസ്. കുമാർ, ശ്രീകാന്ത് മോഹൻ, ചന്ദ്രശേഖരൻ നായർ, സി. സുരേഷ് കുമാർ, ഗീതാഅശോകൻ തുടങ്ങിയവർ നേതൃത്വം നൽകി.  
ഭാര്യ കോകിലയ്ക്ക് ഒപ്പം എത്തിയ ബാല സുബ്രഹ്മണ്യസ്വാമി ക്ഷേത്രത്തിലും സമീപത്തെ ശ്രീകൃഷ്ണൻ തൃക്കോവിലിലും ദർശനം നടത്തി അരമണിക്കൂറോളം ക്ഷേത്രത്തിൽ ചെലവഴിച്ച ശേഷമാണ് മടങ്ങിയത്. ചടങ്ങിൽ നൂറുകണക്കിന് ഭക്തരും പങ്കെടുത്തു.