> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ഉദയനാപുരം ശ്രീകൃഷ്ണപുരം ശ്രീകൃഷ്ണ സ്വാമി ക്ഷേത്രത്തിൽ കൊടിയേറി
- URL: https://www.vaikomvartha.com/astami-rohini-uthsavam-kodiyeri/
- Published: 2026-04-17T14:19:50.000Z
- Updated: 2026-04-17T14:19:50.000Z
- Author:  Vaikom Vartha News Desk
- Tags: Latest News

വൈക്കം: ധീവരസഭ 104-ാം നമ്പര്‍ ശാഖയുടെ കീഴിലുള്ള ഉദയനാപുരം ശ്രീകൃഷ്ണസ്വാമി ക്ഷേത്രത്തിലെ രോഹിണി മഹോത്സവത്തിന് ക്ഷേത്രം മേല്‍ശാന്തി ആര്‍. ഗിരീഷ് കൊടിയേറ്റി. ക്ഷേത്രം മേല്‍ശാന്തി ചക്രന്‍ ശാന്തി സഹകര്‍മികനായിരുന്നു. ശ്രീകോവിലില്‍ വെച്ച് പൂജിച്ച കൊടിക്കൂറ അനുഷ്ഠാന വാദ്യങ്ങളുടെ അകമ്പടിയോടെ പൂജാരികള്‍ കൊടിമര ചുവട്ടിലേക്ക് എഴുന്നള്ളിച്ചു. കൊടിയേറ്റിനു മുന്‍പായി കൊടിമരം മുറിക്കല്‍, കൊടിക്കയര്‍ സമര്‍പ്പണം എന്നിവ ഭക്തര്‍ വഴിപാടായി സമര്‍പിച്ചു. കൊടിയേറ്റിനുശേഷം മൂഴിക്കരോട്ട് ഗോള്‍ഡന്‍ സ്ഥാപന ഉടമ എം.ഡി. പ്രകാശന്‍ കെടാവിളക്കില്‍ ദീപം തെളിയിച്ചു. ക്ഷേത്ര പ്രസിഡന്റ് വി.എന്‍. മണിയപ്പന്‍, വൈസ് പ്രസിഡന്റ് കെ.എസ്. ഭുവനചന്ദ്രന്‍, സെക്രട്ടറി വി. മോഹനന്‍, ട്രഷറർ വി. രധീഷ്, ജോയിന്‍ സെക്രട്ടറി ബാബു വാലയില്‍ എന്നിവര്‍ നേതൃത്വം നല്‍കി. ഏപ്രില്‍ 20ന് ഉത്സവാഘോഷം സമാപിക്കും. രാവിലെ 7ന് ചന്ദനം കലശാഭിഷേകം, ശ്രീബലി, ഉച്ചയ്ക്ക് അന്നദാനം, വൈകിട്ട് 5ന് കാഴ്ച്ച ശ്രീബലി, 6:30ന് ആറാട്ടു പുറപ്പാട് എന്നിവയും നടക്കും.