> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ബാറുകളുടെ പ്രവർത്തനസമയം നീട്ടിയ നടപടി പിൻവലിക്കണം: എ.ഐ.ടി.യു.സി
- URL: https://www.vaikomvartha.com/baarrukllutte-prv-ttnsmyn-niittttiy-nttptti-pi-vlikknnn-e-ai-tti-yu-si/
- Published: 2026-02-21T10:21:59.000Z
- Updated: 2026-02-21T10:21:59.000Z
- Author:  Vaikom Vartha News Desk
- Tags: Latest News

വൈക്കം: ബാറുകളുടെ പ്രവർത്തനസമയം നീട്ടിയ നടപടി പിൻവലിക്കണമെന്ന ആവശ്യവുമായി വൈക്കത്ത് ഭരണപക്ഷ രാഷ്ട്രീയ കക്ഷിയായ സി.പി.ഐയുടെ ട്രേഡ് യൂണിയൻ എ.ഐ.ടി.യു.സി യുടെ പ്രതിഷേധ സമരം. ചൊവ്വാഴ്ച ചെത്തുതൊഴിലാളി യൂണിയൻ എ.ഐ.ടി. യു.സിയുടെ നേതൃത്വ ത്തിലാണ് വൈക്കം എക്സൈസ് സർക്കിൾ ഓഫിസിലേക്ക് പ്രതിഷേധ മാർച്ച് നടത്തുന്നത്. ദൂരപരിധി ബാറുകൾക്ക് 50 മീറ്റർ മാത്രമുള്ളപ്പോൾ കള്ളുഷാപ്പുകൾക്ക് 400 മീറ്ററാണ് ഇത് അന്യായമാണെന്നും തൊഴിലധിഷ്ഠിത പരമ്പരാഗത വ്യവസായ മേഖലയായ കള്ളുഷാപ്പുകളെ അവഗണിച്ച് വിദേശമദ്യത്തിന് എന്തിന് അമിത പ്രാധാന്യം നൽകുന്നുവെന്നും സംസ്ഥാന സർക്കാർ അലമാരകളിൽ സൂക്ഷിക്കുന്ന ഉദയഭാനു കമ്മീഷൻ റിപ്പോർട്ട് അധികാരികൾ ഒരിക്കലെങ്കിലും വായിക്കണം എന്നുമാണ് എം.ഐ.ടി.യു.സി യുടെ ആവശ്യങ്ങൾ. ഈ ആവശ്യങ്ങൾ ഉന്നയിച്ചാണ് എ.ഐ.ടി.യു.സി പ്രതിഷേധ മാർച്ച് നടത്തുന്നത്. മാർച്ച് മുൻ സി.പി.ഐ ജില്ലാ സെക്രട്ടറിയും എം.ഐ.ടി.യു.സി സംസ്ഥാന സെക്രട്ടറിയുമായ വി.ബി. ബിനു ഉത്ഘാടനം ചെയ്യും.