> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ബാങ്ക് ജീവനക്കാർ പണിമുടക്കിലേക്ക്: പിന്മാറണമെന്ന് കേന്ദ്രം
- URL: https://www.vaikomvartha.com/bank-strike/
- Published: 2026-09-22T07:41:31.000Z
- Updated: 2026-09-23T11:23:09.000Z
- Author: എസ്. സതീഷ്കുമാർ
- Tags: Main News

വൈക്കം: ബാങ്കുകൾ അഞ്ച് ദിവസം അടഞ്ഞ് കിടക്കാൻ സാധ്യത. 28,29,30 തീയതികളിൽ (തിങ്കൾ, ചൊവ്വ, ബുധൻ) ബാങ്ക് ജീവനക്കാരുടെ പണിമുടക്കാണ്.  
ബാങ്കുകളുടെ പ്രവൃത്തിദിനം 5 ദിവസമാക്കുക, വിവേചനപരമായ ഇൻസെന്റീവ് സ്കീം പിൻവലിക്കുക എന്നീ പ്രധാന ആവശ്യങ്ങൾ ഉന്നയിച്ചാണ് സമരം. ഇതോടെ തൊട്ടുമുൻപുള്ള ശനിയും ഞായറുമടക്കം 5 ദിവസം തുടർച്ചയായി ബാങ്കുകൾ അടഞ്ഞുകിടക്കാനാണ് സാധ്യത. സമരത്തിനു മുന്നോടിയായി ഇൻസെന്റീവ് സ്കീം തൽക്കാലം മരവിപ്പിച്ചിരുന്നു. എന്നാൽ പ്രവൃത്തിദിനം സംബന്ധിച്ച് തീരുമാനമെടുത്തിട്ടില്ല. 

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/09/1000710313.jpg)

പണിമുടക്കുകളിലൂടെ ഗുണകരമായി ഒന്നും നേടാനില്ലെന്ന് പൊതുമേഖലാ ബാങ്ക് ജീവനക്കാരോട് കേന്ദ്രധനമന്ത്രാലയം അറിയിച്ചു. 28ന് ആരംഭിക്കുന്ന പണിമുടക്കിനു മുന്നോടിയായി ഇന്നലെ പുറത്തിറക്കിയ വാർത്താക്കുറിപ്പിലാണ് ഈ അറിയിപ്പ്. ഇന്നലെ പൊതുമേഖലാ ബാങ്ക് മേധാവികളുടെ യോഗം ധനമന്ത്രാലയം വിളിച്ചിരുന്നു. ജീവനക്കാർ സമരത്തിൽ പങ്കെടുക്കാതിരിക്കാനുള്ള നടപടികൾ സ്വീകരിക്കണമെന്ന് കേന്ദ്രം ബാങ്കുകൾക്ക് നിർദേശം നൽകിയതായാണ് വിവരം.