> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ക്യാൻസർ ബോധവത്കരണ സെമിനാർ
- URL: https://www.vaikomvartha.com/cancer-bodhavalkkarana-seminar-2/
- Published: 2026-05-17T07:35:36.000Z
- Updated: 2026-05-17T07:35:36.000Z
- Author:  Vaikom Vartha News Desk
- Tags: Latest News

വൈക്കം: ടി.വി. പുരം ഗ്രാമ പാഞ്ചായത്തിൻ്റെയും സീനിയർ ചേമ്പർ ഇൻ്റർനാഷണൽ വൈക്കം ലീജിൻ്റെയും സംയുക്ത ആഭിമുഖ്യത്തിൽ ക്യാൻസർ ബോധവത്കരണ സെമിനാർ സംഘടിപ്പിച്ചു. ടി.വി. പുരം ഗ്രാമ പഞ്ചായത്ത് കമ്മ്യൂണിറ്റി ഹാളിൽ നടന്ന സെമിനാർ ടി.വി പുരം ഗ്രാമപഞ്ചായത്ത് പ്രസിഡൻ്റ് എസ്. ബിജു ഉത്ഘാടനം ചെയ്തു. സീനിയർ ചേമ്പർ ഇൻ്റർനാഷണൽ പ്രസിഡൻ്റ് അഡ്വ.എം.പി. മുരളീധരൻ അധ്യക്ഷത വഹിച്ചു. കേരളത്തിൽ വർധിച്ചു വരുന്ന ക്യാൻസർ രോഗബാധയെ കുറിച്ചും പ്രതിരോധ മുൻകരുതലുകളെ കുറിച്ചും പൊതു ജനങ്ങൾക്ക് വിശധമായ അവബോധം വളർത്തുന്നതിനായി സംഘടിപ്പിച്ച സെമനാറിൽ പ്രശസ്ത ക്യാൻസർ രോഗ വിദഗ്‌ദ്ധൻ ഡോ. മോഹനൻ നായർ ക്ലാസ്സുകൾ നയിച്ചു. ഡിനിയർ ചേമ്പർ ഇൻ്റർനാഷണൽ ഡയറക്ടർ കെ.പി. വേണുഗോപാൽ വിഷയ അവതരണം നടത്തി. സീനിയർ ചേമ്പർ സെക്രടറി കെ. ശിവപ്രസാദ്, ഗ്രാമ പഞ്ചായത്ത് വൈസ് പ്രസിഡൻ്റ് അനിയമ്മ അശോകൻ, ആരോഗ്യ സ്റ്റാൻ്റിങ്ങ് കമ്മിറ്റി ചെയർപേർസൺ നീതുമോൾ ധനീഷ്, വികസന കാര്യ സ്റ്റാൻ്റിങ്ങ് കമ്മിറ്റി ചെയർപേർസൻ പി.കെ ബേബി തുടങ്ങിയവർ സംസാരിച്ചു. സീനിയർ ചേമ്പർ അംഗങ്ങൾ, ഗ്രാമ പഞ്ചായത്ത് അംഗങ്ങൾ, ഹരിതകർമ്മസേന അംഗങ്ങൾ, പൊതുജനങ്ങൾ തുടങ്ങി നൂറുകണക്കിന് ആളുകൾ സെമിനാറിൽ പങ്കെടുത്തു.