> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ചെമ്പ് ശ്രീ ജഗദംബിക ക്ഷേത്രത്തില്‍ കുംഭ ഭരണി ഉത്സവം കൊടിയേറി
- URL: https://www.vaikomvartha.com/cemp-shrii-jgdnbik-ksseetrttil-kunbh-bhrnni-utsvn-kottiyeerri/
- Published: 2026-02-18T12:12:54.000Z
- Updated: 2026-02-18T12:12:54.000Z
- Author:  Vaikom Vartha News Desk
- Tags: Latest News

വൈക്കം: ചെമ്പ് മുറിഞ്ഞപുഴ ശ്രീ ജഗദംബിക ക്ഷേത്രത്തിലെ കുംഭ ഭരണി മഹോത്സവത്തിന് ബുധനാഴ്ച രാവിലെ ക്ഷേത്രം തന്ത്രി മോനാട്ടില്ലത്ത് കൃഷ്ണന്‍ നമ്പൂതിരിയുടെ മുഖ്യ കാര്‍മ്മികത്വത്തില്‍ മോനാട്ടുമന ഗോവിന്ദന്‍ നമ്പൂതിരി കൊടിയേറ്റി. മേല്‍ശാന്തി വിജയന്‍ നമ്പൂതിരി, മുരിഞ്ഞൂര്‍ മന സുബ്രഹ്‌മണ്യന്‍ നമ്പൂതിരി, ഗോപാലകൃഷ്ണന്‍ പോറ്റി, ചുള്ളിമംഗലത്ത് ചന്ദ്ര ഗുപ്തന്‍ എന്നിവര്‍ സഹകാര്‍മ്മികരായിരുന്നു. കൊടിയേറ്റിനുശേഷം കൊടിമരച്ചുവട്ടില്‍ പറ നിറയ്ക്കല്‍ നടത്തി. ഉച്ചയ്ക്ക് 12.30 ന് ധീവര മഹിളാ സമാജത്തിന്റെ നേതൃത്വത്തില്‍ മഹാപ്രസാദ ഊട്ട് നടത്തി. പ്രസാദ ഊട്ടിന്റെ ദീപ പ്രകാശനം റഷീദ അനിരുദ്ധന്‍ നിര്‍വ്വഹിച്ചു. ക്ഷേത്രം പ്രസിഡന്റ് പി.എന്‍. സുഗുമാരന്‍, വൈസ് പ്രസിഡന്റ് പി.കെ. പ്രസാദ്, സെക്രട്ടറി പി.വി. ശശാങ്കന്‍, ദേവസ്വം സെക്രട്ടറി കെ.എ. പ്രകാശന്‍, ട്രഷറര്‍ വി.കെ. മോഹനന്‍, വനിതാ സമാജം പ്രസിഡന്റ് റഷീദ അനിരുദ്ധന്‍, വൈസ് പ്രസിഡന്റ് സൗമ്യ വിനീഷ്, സെക്രട്ടറി മിനി ഉദയാനന്ദന്‍ എന്നിവര്‍ നേതൃത്വം നല്‍കി.