> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ചെമ്പില്‍ തെരുവു നായയുടെ ആക്രമണത്തില്‍ മൂന്ന് പേര്‍ക്ക് പരിക്ക്
- URL: https://www.vaikomvartha.com/cempil-teruvu-naayyutte-aakrmnnttil-muunn-peerkk-prikk/
- Published: 2026-01-31T17:06:05.000Z
- Updated: 2026-01-31T17:06:05.000Z
- Author:  Vaikom Vartha News Desk
- Tags: Latest News

വൈക്കം: ചെമ്പില്‍ തെരുവുനായയുടെ ആക്രമണം മൂന്ന് പേര്‍ക്ക് കടിയേറ്റു. പനങ്കാവ് ക്ഷേത്രത്തിന് സമീപം വെള്ളിയാഴ്ച വൈകീട്ട് നാല് മണിയോടെയാണ് തെരുവുനായയുടെ ആക്രമണം ഉണ്ടായത്. ചെമ്പ് മേടയില്‍ 70 കാരനായ വേലപ്പന്‍, വൈക്കം ലിസ്യു സ്‌കൂളിലെ അധ്യാപിക ചെമ്പ് കടമാട്ടുതറയില്‍ 45 കാരി ഷീജ ജോസഫ്,ഴചെമ്പ് ഷാപ്പ് പറമ്പില്‍ 45 കാരിയായ മിനി സാബു എന്നിവരെയാണ് തെരുവുനായ ആക്രമിച്ചത്. ആദ്യം വേലപ്പനെയാണ് നായ ആക്രമിച്ചത്. വേലപ്പെന്റെ കഴുത്തിനാണ് പരിക്കേറ്റത്. അവിടെ നിന്നും ഓടിയ നായ നടന്നുപോകുകയായിരുന്ന ഷീജയെയും വീടിന് സമീപം നിന്നിരുന്ന മിനിയെയും കടിച്ചു. അപകടത്തില്‍ പരിക്കേറ്റതിനെ തുടര്‍ന്ന് ഓപ്പറേഷന്‍ ചെയ്ത മിനി വിശ്രമത്തിലായിരുന്നു. പരിക്കേറ്റവരെ ആദ്യം വൈക്കം താലൂക്ക് ആശുപത്രിയില്‍ പ്രവേശിപ്പിച്ച ശേഷം കോട്ടയം മെഡിക്കല്‍ കോളേജിലേക്ക് മാറ്റി. പനങ്കാവ് പ്രദേശത്ത് തെരുവുനായ ശല്യം രൂക്ഷമാണെന്ന് നാട്ടുകാര്‍ പറയുന്നു. കടിച്ചനായയെ കണ്ടെത്താനായിട്ടില്ല.