> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ചെമ്മനത്ത് ശ്രീകൃഷ്ണസ്വാമി ക്ഷേത്രത്തിലെ കർക്കിടക വാവുബലി തർപ്പണം: തയ്യാറെടുപ്പുകൾ പൂർത്തിയായി
- URL: https://www.vaikomvartha.com/chemanathu-temple/
- Published: 2026-08-08T12:21:11.000Z
- Updated: 2026-08-08T12:21:11.000Z
- Author:  Vaikom Vartha News Desk
- Tags: Latest News

ചെമ്മനത്തുകര: പരശുരാമനാൽ പ്രതിഷ്ഠിതമായ ചെമ്മനത്ത് ശ്രീകൃഷ്ണ ക്ഷേത്രത്തിൽ കർക്കിടക വാവുബലി തർപ്പണത്തിനുള്ള ഒരുക്കങ്ങൾ പൂർത്തിയായി. 1173 നമ്പർ എൻ.എസ്.എസ് കരയോഗത്തിൻ്റെ ഉടമസ്ഥതയിലുള്ള ക്ഷേത്രത്തിൽ, കർക്കിടക വാവു ദിവസമായ 12 ന് പുലർച്ചെ 4:30 മുതൽ ബലിതർപ്പണ ചടങ്ങുകൾ ആരംഭിക്കും.

ക്ഷേത്രത്തിന് മുന്നിലുള്ള കുളത്തിലാണ് ഭക്തജനങ്ങൾക്കായി ബലിതർപ്പണ സൗകര്യങ്ങൾ ഒരുക്കിയിരിക്കുന്നത്. ശംഖ്, ചക്ര, ഗദാധാരിയായി ചതുർബാഹുവായി കുടികൊള്ളുന്ന ഭഗവാന് പ്രത്യേക വഴിപാടുകളും പൂജകളും അന്നേദിവസം ഉണ്ടായിരിക്കുന്നതാണ്. തർപ്പണത്തിൽ പങ്കെടുക്കുന്ന ഭക്തജനങ്ങൾക്ക് ആവശ്യമായ സൗകര്യങ്ങൾ ക്ഷേത്രക്കമ്മിറ്റി ഉറപ്പാക്കിയിട്ടുണ്ട്.

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/08/1000650890-4.jpg)

**കർക്കിടക വാവിന്റെ ഐതീഹ്യം**

ദക്ഷിണായന കാലഘട്ടത്തിന്റെ തുടക്കത്തിലാണ് കർക്കിടക വാവ് അഥവാ കർക്കിടക അമാവാസി വരുന്നത്. ഈ സമയത്ത് പിതൃക്കൾ പിതൃലോകത്തുനിന്ന് ഭൂമിയിലേക്ക് വരുമെന്നും, അവരുടെ ആത്മാക്കളുടെ ശാന്തിക്കായി പിൻതലമുറക്കാർ ചെയ്യുന്ന ബലിതർപ്പണം അവർ സന്തോഷത്തോടെ സ്വീകരിക്കുമെന്നുമാണ് ഹൈന്ദവ വിശ്വാസം. തിലതർപ്പണം നടത്തുകയും ചെയ്യുന്ന സന്തതികൾക്ക് പിതൃക്കളുടെ അനുഗ്രഹും, ശാസ്ത്രവിധിയനുസരിച്ച് ഈ ദിവസം നടത്തുന്ന പിതൃതർപ്പണം ആത്മാക്കൾക്ക് മോക്ഷം നൽകുമെന്നും, കുടുംബത്തിൽ സമാധാനവും ഐശ്വര്യവും കൊണ്ടുവരുമെന്നുമാണ് ഐതീഹ്യം.