> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ഡൽഹി വൈക്കം സംഗമം പ്രതിനിധികൾ മുഖ്യമന്ത്രി വി.ഡി. സതീശനുമായി കൂടിക്കാഴ്ച നടത്തി
- URL: https://www.vaikomvartha.com/dd-hi-vaikkn-sngmn-prtinidhik-mukhymntri-vi-ddi-stiishnumaayi-kuuttikkaalllc-ntttti/
- Published: 2026-05-27T09:54:30.000Z
- Updated: 2026-05-27T10:16:41.000Z
- Author:  Vaikom Vartha News Desk
- Tags: Latest News

ന്യൂഡൽഹി ​: കേരളത്തിന്റെ പുതിയ മുഖ്യമന്ത്രിയായി ചുമതലയേറ്റ വി.ഡി. സതീശന് ആശംസകൾ അറിയിച്ച് ഡൽഹി വൈക്കം സംഗമം പ്രതിനിധികൾ. കേരള ഹൗസ് ഡൽഹിയിൽ വച്ച് ആയിരുന്നു മുഖ്യമന്ത്രിയുമായി കൂടിക്കാഴ്ച നടന്നത്. കേരളത്തിന്റെ പുരോഗതിക്കും ജനങ്ങളുടെ ക്ഷേമത്തിനുമായി ദീർഘവീക്ഷണമുള്ളതും ജനകേന്ദ്രീകൃതവുമായ ഒരു ഭരണാവസരമായിരിക്കട്ടെ ഇതെന്ന് പ്രതിനിധികൾ ആശംസിച്ചു. ഏറെ സൗഹാർദ്ദപരമായിരുന്ന കൂടിക്കാഴ്ചയിൽ, പ്രവാസികളുടെയും നാട്ടുകാരുടെയും വിവിധ വിഷയങ്ങൾ കേൾക്കാൻ അദ്ദേഹം സമയം കണ്ടെത്തുകയും, എന്ത് ആവശ്യങ്ങൾക്കും എല്ലാവിധ പിന്തുണയും ഇടപെടലുകളും ഉറപ്പുനൽകുകയും ചെയ്തു. ഡൽഹി വൈക്കം സംഗമം പ്രസിഡൻ്റ് അജിത്ത് മഴുവഞ്ചേരിൽ, സെക്രട്ടറി ഷേർളി രാജൻ, വൈസ് പ്രസിഡൻ്റ് പി.പി. പ്രിൻസ്, മുൻ സെക്രട്ടറി ടി.ഒ. തോമസ് എന്നിവർ മുഖ്യമന്ത്രിയുമായുള്ള കൂടിക്കാഴ്ചയിൽ പങ്കെടുത്തു.