> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ദേശതാലപ്പൊലി ഭക്തി സാന്ദ്രം
- URL: https://www.vaikomvartha.com/deeshtaalppoli-bhkti-saandrn/
- Published: 2026-02-04T11:58:29.000Z
- Updated: 2026-02-04T11:58:29.000Z
- Author:  Vaikom Vartha News Desk
- Tags: Latest News

വൈക്കം: മൂത്തേടത്തുകാവ് ഭഗവതി ക്ഷേത്രത്തില്‍ 6 ന് നടക്കുന്ന വടക്കുപുറത്ത് ദേശഗുരുതിയുടെ ഭാഗമായി വൈക്കം ഇടപ്പള്ളി അഞ്ചുമന വിശ്വകര്‍മ്മ ധര്‍മ്മോദ്ധാരണ സമാജത്തിന്റെ 18, 19 ശാഖകളുടെ നേതൃത്വത്തില്‍ ചൊവ്വാഴ്ച വൈകിട്ട് നടത്തിയ ദേശതാലപ്പൊലി ഭക്തി നിര്‍ഭരമായി. കൊട്ടാരപ്പള്ളി ജംഗ്ഷനില്‍ നിന്നും ഭഗവതിയുടെ വിഗ്രഹം രഥത്തില്‍ എഴുന്നള്ളിച്ചാണ് താലപ്പൊലി പുറപ്പെട്ടത്. വൃതശുദ്ധിയോടെ എത്തിയ നിരവധി സ്ത്രീകള്‍ താലങ്ങളില്‍ നിറദീപങ്ങളുമായി താലപ്പൊലിയില്‍ അണി നിരന്നു. വാദ്യമേളങ്ങളുടെ അകമ്പടിയോടെ നീങ്ങിയ താലപ്പൊലി വൈകിട്ട് ക്ഷേത്രത്തില്‍ എത്തി പ്രദക്ഷിണം വെച്ചശേഷം താലങ്ങള്‍ തിരുനടയില്‍ സമര്‍പ്പിച്ചു. പ്രസിഡന്റുമാരായ മനോജ് സി. ശങ്കര്‍, രഞ്ജിത് പുന്നക്കല്‍, സെക്രട്ടറിമാരായ ഷാജി മാറപ്പാടി, ഷാജി കീരേഴത്ത്, മഹിളാ സമാജം ഭാരവാഹികളായ ലത പുന്ന്ക്കല്‍, രാജി അജികുമാര്‍ എന്നിവര്‍ നേതൃത്വം നല്‍കി.