> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ദിവ്യജ്യോതി രഥഘോഷയാത്രയ്ക്ക് സ്വീകരണം നൽകി
- URL: https://www.vaikomvartha.com/divyjyooti-ghoshayathra/
- Published: 2026-03-30T15:47:51.000Z
- Updated: 2026-03-30T15:47:51.000Z
- Author:  Vaikom Vartha News Desk
- Tags: Kottayam

തലയോലപ്പറമ്പ്: ശിവഗിരിമഠത്തിൽ നിന്നുപുറപ്പെട്ട ദിവ്യജ്യോതി വഹിച്ചു കൊണ്ടുള്ള രഥഘോഷയാത്രയ്ക്ക്  
വടയാർ കിഴക്കേക്കര 133-ാം നമ്പർ എസ്.എൻ.ഡി.പി ശാഖാ യോഗത്തിൻ്റെ നേതൃത്വത്തിൽ ഇളങ്കാവ് ജംഗ്ഷനിൽ സ്വീകരണം നൽകി. വടകരയിൽ ഏപ്രിൽ രണ്ട്, മൂന്ന് തീയതികളിൽ നടക്കുന്ന ശ്രീനാരായണ ധർമ്മവിചാര യജ്ഞവേദിയിൽ സ്ഥാപിക്കുന്നതിനാണ് ദിവ്യജ്യോതിയെത്തുന്നത്.  
ശിവഗിരി മഠത്തിൽ നിന്നും ട്രഷറർ ശാരദാനന്ദസ്വാമികൾ പകർന്നു നൽകിയ ദിവ്യജ്യോതി ഇളങ്കാവിൽ വച്ച് തലയോലപ്പറമ്പ് യൂണിയൻ പ്രസിഡൻ്റ് ഇ.ഡി. പ്രകാശൻ ഏറ്റുവാങ്ങി. യജ്ഞാചാര്യൻ പ്രബോധ തീർത്ഥ സ്വാമികൾ ഭദ്രദീപ പ്രകാശനം നടത്തി.  
തുടർന്ന് രഥഘോഷയാത്രയെ താലപ്പൊലിയുടെയും വാദ്യമേളങ്ങളുടെയും അകമ്പടിയോടെ ഇളങ്കാവ് ജംഗ്ഷനിൽ നിന്നും ഭൂതങ്കേരി ധർമ്മശാസ്താ ക്ഷേത്ര സന്നിധിയിലേക്കാനയിച്ചു. ഇളങ്കാവിൽ നൽകിയ സ്വീകരണത്തിന് യോഗം സെക്രട്ടറി എൻ.ആർ. മനോജ്,  
പ്രസിഡൻ്റ് എം.എസ്. സനൽകുമാർ, എം.കെ. പങ്കജൻ, കെ.ആർ. പ്രവീൺ, ഷീബ അജയൻ, ബിന്ദു മധു, ശ്രീപു അജയ്, കെ.ആർ. ചക്രപാണി എന്നിവർ   
നേതൃത്വം നൽകി.