> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# എൻ.ഡി.എ സ്ഥാനാർത്ഥി കെ. അജിത്തിൻ്റെ തെരഞ്ഞെടുപ്പ് കൺവെൻഷൻ
- URL: https://www.vaikomvartha.com/e-ddi-e-sthaanaa-tthi-ke-ajitti-rre-ternynyettupp-k-ve-ss/
- Published: 2026-03-25T14:38:50.000Z
- Updated: 2026-03-25T15:21:42.000Z
- Author:  Vaikom Vartha News Desk
- Tags: Latest News, Election 2026

വൈക്കം: എൻ.ഡി.എ സ്ഥാനാർത്ഥി കെ. അജിത്തിൻ്റെ നിയോജക മണ്ഡലം തെരഞ്ഞെടുപ്പ് കൺവെൻഷൻ ബി.ജെ.പി ദേശീയ സമിതി അംഗം ഏറ്റുമാനൂർ രാധാകൃഷ്ണൻ ഉദ്ഘാടനം ചെയ്തു. എല്ലാവർക്കും ഒപ്പം, എല്ലാരുടേയും വികസനം, എല്ലാവരുടെയും വിശ്വാസം എന്ന നരേന്ദ്രമോദി സർക്കാരിൻ്റെ ആപ്തവാക്യം ഉൾക്കൊണ്ട് രാജ്യത്ത് നടപ്പിലാക്കുന്ന വികസന പ്രവർത്തനങ്ങൾ വൈക്കം നിയോജക മണ്ഡലത്തിൽ കാര്യക്ഷമമായി പ്രയോജനപ്പെടുത്താൻ കെ. അജിത്തിൻ്റെ വിജയത്തിനായി എൻ.ഡി.എ പ്രവർത്തകർ പ്രതിജ്ഞാബദ്ധമാണെന്ന് കൺവെൻഷൻ ഉദ്ഘാടനം ചെയ്ത് കൊണ്ട് ഏറ്റുമാനൂർ രാധാകൃഷ്ണൻ അഭിപ്രായപ്പെട്ടു. വൈക്കം സീതാറാം ഹാളിൽ നടന്ന പരിപാടിയിൽ എൻ.ഡി.എ ചെയർമാൻ പി.ജി ബിജുകുമാർ അദ്ധ്യക്ഷത വഹിച്ചു. സ്ഥാനാർത്ഥി കെ. അജിത്ത്, എൻ.ഡി.എ നേതാക്കളായ എം.കെ മഹേഷ്, സുമേഷ് കൊല്ലേരിൽ, ലാൽ കൃഷ്ണ, ലേഖാ കെ.കെ, പി.സി ബിനീഷ്കുമാർ, പി.കെ ശശിധരൻ, രമേശ് കാവിമറ്റം, രജനി, പ്രീജു കെ. ശശി, വി. അമ്പിളി, പി.ഡി സരസൻ, ജെ.ആർ ഗോപാലകൃഷ്ണൻ തുടങ്ങി എൻ.ഡി.എയുടെ സംസ്ഥാന, ജില്ലാ നേതാക്കളും ആയിരത്തിലധികം പ്രവർത്തകരും പങ്കെടുത്തു. രാവിലെ മണ്ഡലത്തിലെ വോട്ടർമാരെ സന്ദർശിക്കുകയും ഉച്ചകഴിഞ്ഞ് തലയാഴം പഞ്ചായത്തിലേയും ടി.വി പുരം പഞ്ചായത്തിലെ തീരദേശ മേഖലകളിലെ കക്കാ വ്യവസായ തൊഴിൽ മേഖലയിലെ തൊഴിലാളികളെ കേന്ദ്രീകരിച്ച് കെ. അജിത്ത് വോട്ടഭ്യർത്ഥിച്ചു.

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/03/1000483951-1.jpg)

ടി.വി. പുരം കൈതവളപ്പ് മേഖലയിലെ പര്യടനത്തിനിടയിൽ കായിക പ്രേമികൾക്കൊപ്പം പന്ത് തട്ടി കെ. അജിത്ത്