> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# എല്‍.ഡി.എഫ് വികസന മുന്നേറ്റജാഥയ്ക്ക് ഹൃദ്യവരവേല്‍പ്
- URL: https://www.vaikomvartha.com/el-ddi-eph-viksn-munneerrrrjaathykk-hrdyvrveelp/
- Published: 2026-02-22T13:16:50.000Z
- Updated: 2026-02-22T13:16:50.000Z
- Author:  Vaikom Vartha News Desk
- Tags: Latest News

വൈക്കം: കഴിഞ്ഞ ഒരു പതിറ്റാണ്ടുകാലം കൊണ്ട് കേരളത്തിന്റെയും വൈക്കത്തിന്റെയും മുഖഛായ മാറ്റിയ എല്‍.ഡി.എഫ് സര്‍ക്കാരിന്റെ വികസന, ജനക്ഷേമ പദ്ധതികള്‍ വിശദീകരിച്ചു കൊണ്ട് നടത്തുന്ന വൈക്കം നിയമസഭാ മണ്ഡല വികസന മുന്നേറ്റ ജാഥയ്ക്ക് നാട്ടിടങ്ങളില്‍ ആവേശകരമായ സ്വീകരണമാണ് ലഭിച്ചത്. സി.കെ ആശ എം.എല്‍.എ ക്യാപ്റ്റനും, കെ ശെല്‍വരാജ് വൈസ് ക്യാപ്റ്റനുമായ ജാഥ രണ്ടാം ദിവസമായ ഇന്ന് ചെമ്പ് മുറിഞ്ഞപുഴയില്‍ നിന്നാണ് പര്യടനം ആരംഭിച്ചത്. തുടര്‍ന്ന് ടോള്‍, ചെമ്മനാകരി, അക്കരപ്പാടം, വല്ലകം, മുട്ടുങ്കല്‍, കോരിക്കല്‍, മറവന്‍തുരുത്ത്, തട്ടാവേലി, ബ്രഹ്‌മമംഗലം, വടകര, വെള്ളൂര്‍, മേഴ്‌സി എന്നിവിടങ്ങളിലെ സ്വീകരണങ്ങള്‍ ഏറ്റുവാങ്ങി തലയോലപ്പറമ്പില്‍ സമാപിച്ചു.  
വിവിധ സ്വീകരണ കേന്ദ്രങ്ങളില്‍ ജാഥാ ഡയറക്ടര്‍ എം.ഡി. ബാബുരാജ്, മാനേജര്‍ ലൂക്ക് മാത്യു, അംഗങ്ങളായ ഡോ. സി.എം. കുസുമന്‍, സാബു പി. മണലൊടി, പി. അമ്മിണിക്കുട്ടന്‍, ജോസി ജെയിംസ്, മധു ആര്‍. പണിക്കര്‍, എബ്രഹാം പഴയകടവന്‍, സന്തോഷ് കാലാ, സിറിയക് പാലാക്കാരന്‍, എല്‍.ഡി.എഫ് നേതാക്കളായ പി. പ്രദീപ്, എന്‍. അനില്‍ ബിശ്വാസ്, കെ.കെ ച്രകബാബു, പി.വി ഹരിക്കുട്ടന്‍, കെ.ബി രമ, സി.പി ജയരാജ്, പി.എം സാലിമോന്‍ എന്നിവര്‍ പ്രസംഗിച്ചു. സമാപന ദിവസമായ നാളെ രാവിലെ ഒന്‍പതിന് കല്ലറ പഞ്ചായത്ത് പടിക്കല്‍ നിന്നാരംഭിച്ച് വൈകിട്ട് ആറിന് ടി.വി. പുരം കവലയില്‍ ജാഥ സമാപിക്കും.