> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# എസ്.എൻ.ഡി.പി - എൻ.എസ്.എസ്  സാമുദായിക ഐക്യനീക്കത്തിന് തിരിച്ചടി
- URL: https://www.vaikomvartha.com/es-e-ddi-pi-e-es-es-saamudaayik-aikyniikkttin-tiricctti/
- Published: 2026-01-26T07:56:21.000Z
- Updated: 2026-01-26T07:56:21.000Z
- Author:  Vaikom Vartha News Desk
- Tags: Latest News

കോട്ടയം: എസ്.എൻ.ഡി.പി - എൻ.എസ്.എസ് സാമുദായിക ഐക്യനീക്കത്തിന് തിരിച്ചടി. എസ്.എൻ.ഡി.പിയുമായി ഐക്യം വേണ്ടെന്ന് എൻ.എസ്.എസ് ഡയറക്ടർ ബോർഡ് തീരുമാനം. ഐക്യം പ്രായോഗികമല്ലെന്നാണ് വിലയിരുത്തൽ. ഇന്ന് ചേർന്ന എൻ.എസ്.എസ് ഡയറക്ടർ ബോർഡാണ് എസ്.എൻ.ഡി.പിയുമായുള്ള ഐക്യ നീക്കം വേണ്ടെന്ന നിലപാട് സ്വീകരിച്ചത്. നിലവിലെ രാഷ്ട്രീയ സാഹചര്യത്തിൽ ഇത്തരമൊരു ഐക്യം പ്രായോഗികമല്ലെന്നും അത് പരാജയപ്പെടുമെന്നുമാണ് എൻ.എസ്.എസ് തീരുമാനിച്ചതെന്ന് ഡയറക്ടർ ബോർഡ് വാർത്താക്കുറിപ്പിലൂടെ അറിയിച്ചത്. എൻ.എസ്.എസിന്റെ അടിസ്ഥാന മൂല്യങ്ങളിൽ നിന്ന് വ്യതിചലിക്കാനില്ലെന്നും എല്ലാ രാഷ്ട്രീയ പാർട്ടികളോടും സമദൂരം എന്ന നിലപാട് തുടരുമെന്നും നേതൃത്വം വ്യക്തമാക്കി. ഐക്യശ്രമങ്ങളുമായി മുന്നോട്ടു പോകുന്നതിനെ ഡയറക്ടർ ബോർഡിലെ ഭൂരിഭാഗം പേരും എതിർത്തതോടെയാണ് സംയുക്ത നീക്കത്തിൽ നിന്ന് സംഘടന ഔദ്യോഗികമായി പിന്മാറിയത് എന്നാണ് വിവരം.