> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# എസ്.പി. ബാലസു ബ്രഹ്മണ്യത്തിന് ആദരമായി 'സംഗീതമേഘം'
- URL: https://www.vaikomvartha.com/es-pi-baalsu-brhmnnyttin-aadrmaayi-sngiitmeeghn/
- Published: 2026-03-28T06:25:29.000Z
- Updated: 2026-03-28T06:25:29.000Z
- Author:  Vaikom Vartha News Desk
- Tags: Latest News, Palakkad

പാലക്കാട്: അനശ്വര സംഗീതജ്‌ഞൻ എസ്.പി. ബാലസുബ്രഹ്മണ്യത്തിന് ആദരമർപ്പിക്കാൻ മലയാള ചലച്ചിത്ര പിന്നണി ഗായകരുടെ സംഗീത മേഘം പാലക്കാട്ട് 31 ന് നടക്കും. എസ്പിബിയുടെ പൂർണകായപ്രതിമ പാലക്കാട് വി.ടി. ഭട്ടതിരിപ്പാട് സാംസ്കാരിക സമുച്ചയത്തിൽ അന്ന് വൈകി ട്ട് 5നു പ്രശസ്ത സംഗീതസം വിധായകൻ എം.എം. കീരവാണി അനാഛാദനം ചെയ്യും. എസ്‌പിബി മെമ്മോറിയൽ പാർക്കിൻ്റെ ഉദ്ഘാടനം ഗായകരായ ഹരിഹരനും കെ.എസ്.ചിത്രയും ചേർന്നു നിർവഹിക്കും. ചലച്ചിത്രപന്നണി ഗായകരുടെ സംഘടനയായ സമത്ത്, മനോരമ ഓൺലൈൻ, ജോയ് ആലുക്കാസ് എന്നിവ ചേർന്നാണു പരിപാടി സംഘടിപ്പിക്കുന്നത്. എസ്‌പിബി അനശ്വരമാക്കിയ ഗാനങ്ങൾ കോർത്തിണക്കി 'സംഗീത മേഘം' എന്ന സംഗീതവിരുന്ന് ഒരുക്കും. ഹരിഹരൻ, കെ.എസ്. ചിത്ര, സുജാത മോഹൻ, ശ്രീനിവാസ്, വിജയ് യേശുദാസ്, സ്‌റ്റീഫൻ ദേവസ്സി, സിത്താര കൃഷ്ണകുമാർ, എസ്.പി. ചരൺ, മൃദുല വാര്യർ, ജ്യോത്സന തുടങ്ങി തെന്നിന്ത്യൻ ചലച്ചിത്ര ഗാനരംഗത്തെ പ്രമുഖർ സംഗീത വിരുന്നിന്റെ ഭാഗമാകും.