> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ഗ്യാസ് വില വർധന: ഹോട്ടൽ നടത്തിപ്പ് പ്രതിസന്ധിയിൽ
- URL: https://www.vaikomvartha.com/gas-vila-hotalukal-prathisandhiyil/
- Published: 2026-05-01T09:19:01.000Z
- Updated: 2026-05-01T09:19:01.000Z
- Author:  Vaikom Vartha News Desk
- Tags: Latest News

വൈക്കം: ഇതുവരെ ഇല്ലാത്ത രീതിയിൽ ഉള്ള ഗ്യാസ് വില വർധന ഹോട്ടൽ നടത്തിപ്പ് പ്രതിസന്ധിയിലാക്കിയെന്ന് കേരള ഹോട്ടൽ ആൻഡ് റസ്റ്റോറൻറ് അസോസിയേഷൻ. ഹോട്ടലുകൾ അടച്ചിടേണ്ട സ്ഥിതിയാണെന്നും ഹോട്ടൽ ആൻഡ് റസ്റ്റോറൻറ് അസോസിയേഷന്റെ വൈക്കം യൂണിറ്റ് കമ്മിറ്റി ഭാരവാഹികൾ പറയുന്നു. നിലവിൽ ഗ്യാസ് കിട്ടാത്ത പ്രതിസന്ധിയുടെ ഇടയിലാണ് ഒരു സിലിണ്ടറിന് തന്നെ ആയിരത്തോളം രൂപ കൂട്ടി കൊണ്ട് ഇടിത്തീ പോലെ ഉടമകളുടെ ചുമലിൽ വരുത്തിയതെന്നാണ് പരാതി. വർദ്ധനവിന് അനുസരിച്ചുള്ള വില ഭക്ഷണ സാധനങ്ങൾക്ക് കൂട്ടാനും സാധിക്കാത്ത സ്ഥിതിയും പ്രതിസന്ധി രൂക്ഷമാക്കുകയാണ്. കൂടാതെ ഇലക്ഷനുമായി ബന്ധപ്പെട്ട് അന്യ സംസ്ഥാന തൊഴിലാളികൾ കൂട്ടത്തോടെ നാട് വിട്ടു പോയതും ഹോട്ടൽ നടത്തിപ്പ് പ്രതിസന്ധിയിലാക്കിയതായും അസോസിയേഷൻ പറയുന്നു. ഇവർക്ക് അന്യ സംസ്ഥാനത്തു നിന്നും തിരികെ എത്താൻ ആവശ്യത്തിന് ട്രെയിൻ സർവീസ് ഇല്ലാത്ത സ്ഥിതിയുമുണ്ട്. ഗ്യാസ് വില കുറയ്ക്കാതെ ഈ മേഖല ഇന്നത്തെ സാഹചര്യത്തിൽ തുറന്ന് പ്രവർത്തിക്കുന്നത് ഒട്ടും പ്രായോഗികമല്ലെന്നും ഇതിനെതിരെ ശക്തമായ പ്രതിഷേധ സമരം നടത്താനുമാണ് തീരുമാനമെന്ന് അസോസിയേഷൻ വൈക്കം യൂണിറ്റിൻ്റെ പ്രസിഡൻ്റ് ടി.വി രാംകുമാർ സെക്രട്ടറി വി. സുബ്രഹ്മണ്യൻ, ട്രഷറർ കെ.പി. ജനീഷ് എന്നിവർ അറിയിച്ചു