> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# സ്വർണ്ണത്തിന് ഏകീകൃത നിരക്കു കൊണ്ടുവരാൻ സ്വർണ്ണവ്യാപാര സംഘടനകൾ
- URL: https://www.vaikomvartha.com/gold-rate-3/
- Published: 2026-05-21T05:14:07.000Z
- Updated: 2026-05-21T05:14:07.000Z
- Description: എസ്. സതീഷ്കുമാർ
- Author:  Vaikom Vartha News Desk
- Tags: Latest News

കൊച്ചി: സംസ്‌ഥാനത്ത് സ്വർണ്ണത്തിന് ഏകീകൃത നിരക്കു കൊണ്ടുവരാൻ സ്വർണ്ണവ്യാപാര സംഘടനകളുടെ സംയുക്ത യോഗത്തിൽ തീരുമാനിച്ചു. ഇതിനായി സംഘടനകളുടെ പ്രതിനിധികളെ ഉൾപ്പെടുത്തി നിരക്കു കമ്മിറ്റി രൂപീകരിച്ചു. സംസ്ഥാനത്ത് സ്വർണത്തിന് ഒരു ദിവസം വ്യത്യസ്ഥനിരക്ക് ഈടാക്കുന്നത് ഉപയോക്താകൾക്കും വ്യാപാരികൾക്കും ആശങ്കയുണ്ടാക്കുന്ന സാഹചര്യത്തിലാണ് ഈ തീരുമാനം ഉണ്ടായത്. ഒരു ദിവസം പല തവണയായി നിരക്കു മാറ്റുന്നതിനു പകരം ദിവസവും രാവിലെ 9.30നു മുൻപും ഉച്ചയ്ക്കു രണ്ടിനു ശേഷവുമായി നില നിശ്ചയിക്കുമെന്ന് ഗോൾഡ് ആൻഡ് സിൽവർ മർച്ചൻ്റ്സ് അസോസിയേഷൻ സംസ്ഥാന ജനറൽ സെക്രട്ടറി എസ്.അബ്‌ദുൽ നാസർ അറിയിച്ചു. ബി. ഗോവിന്ദൻ (ഓൾ കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷൻ), കെ. സുരേന്ദ്രൻ, എസ്. അബ്‌ദുൽ നാസർ (കേരള ഗോൾഡ് ആൻഡ് സിൽവർ മർച്ചന്റ്സ് അസോസി യേഷൻ), ടി.എസ്. കല്യാണരാമൻ, എം.പി. അഹമ്മദ്, രാജേഷ് കല്യാൺ, നിഷാദ് മലബാർ (കേരള ജ്വല്ലറി ഫെഡറേഷൻ), ഷാജു ചിറയത്ത് (കേരള ഗോൾഡ് ആൻഡ് സിൽവർ ഡീലേഴ്‌സ്‌ അസോസിയേഷൻ) എന്നിവർ യോഗത്തിൽ പങ്കെടുത്തു.