> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ദുഖവെള്ളിയാഴ്ച; വൈക്കത്ത് പരിഹാര പ്രദിക്ഷണം നാളെ
- URL: https://www.vaikomvartha.com/good-friday-vaikom/
- Published: 2026-04-02T13:29:36.000Z
- Updated: 2026-04-02T13:29:36.000Z
- Author:  Vaikom Vartha News Desk
- Tags: Latest News

വൈക്കം: ദുഖവെള്ളി ആചരണത്തിന്റെ ഭാഗമായി വൈക്കത്ത് 11 ഇടവക ദേവാലയങ്ങൾ പങ്കെടുക്കുന്ന പരിഹാര പ്രദക്ഷിണം വെള്ളിയാഴ്ച വൈകിട്ട് നടക്കും. വൈകിട്ട് 4ന് വിവിധ ദേവാലയങ്ങളിൽ നിന്നും പരിഹാര പ്രദക്ഷിണങ്ങൾ പുറപ്പെടും. വൈകിട്ട് 5ന് കച്ചേരിക്കവലയിൽ ഒത്തുകൂടി പരിഹാര പ്രദക്ഷിണം വെൽഫയർ സെന്ററിലേക്ക് പുറപ്പെടും. മരക്കുരിശുകളുമേന്തി കുരിശിന്റെ വഴിയേ ധ്യാനിച്ച് കൊണ്ട് നീങ്ങുന്ന പരിഹാര പ്രദക്ഷിണത്തിൽ യേശുദേവനെ കുരിശിലേറ്റിയ ദൃശ്യങ്ങൾ അവതരിപ്പിച്ചാണ് പ്രദക്ഷിണം പുറപ്പെടുക. 5.30ന് വെൽഫയർ സെന്ററിൽ നടക്കുന്ന ദുഖവെള്ളി ആചരണത്തിൽ കലൂർ റിനുവൽ സെന്റർ ഡയറക്ടർ ഫാ. ജോഷി പുതുശ്ശേരി പീഢാനുഭവ സന്ദേശം നൽകും. ഫൊറോനാ പള്ളി വികാരി ഫാ. ബർക്കുമാൻസ് കൊടയ്ക്കൽ, നടേൽ പള്ളി വികാരി ഫാ. ആന്റണി പരവര എന്നിവർ ചടങ്ങുകൾക്ക് മുഖ്യകാർമ്മികരാകും.