> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ഹരിതാരവം കർഷക കൂട്ടായ്മയുടെ നാട്ടുചന്ത തുടങ്ങി
- URL: https://www.vaikomvartha.com/hritaarvn-k-ssk-kuuttttaaymyutte-naattttucnt-tuttngngi/
- Published: 2026-03-07T07:39:51.000Z
- Updated: 2026-03-07T08:33:11.000Z
- Author:  Vaikom Vartha News Desk
- Tags: Latest News

വൈക്കം: ഹരിതാരവം കർഷക കൂട്ടായ്മയുടെ ആദ്യ നാട്ടുചന്ത വൈക്കം ആയ്യർകുളങ്ങരയിൽ തുടങ്ങി. മുനിസിപ്പൽ കൗൺസിലർമാരായ ബി.സുശീല, എ.സി. മണിയമ്മ എന്നിവർ ചേർന്നാണ് നാട്ടുചന്ത ഉദ്ഘാടനം ചെയ്തത്. ഹരിതാരവം കർഷക കൂട്ടായ്മ പ്രസിഡൻ്റ് കെ.എൻ നാരായണൻ നായർ ചടങ്ങിൽ അധ്യക്ഷത വഹിച്ചു. വാർഡ് കൗൺസിലർ വിജിമോൾ, കൺവീനർ പി.എൻ. സജീഷ് എന്നിവർ പങ്കെടുത്തു. നഗരസഭയിലെ 11,12,13, 14 വാർഡുകളിൽ നിന്ന് കർഷകർ നാട്ടു ചന്തയിൽ നേരിട്ട് എത്തിച്ച പയർ, പാവൽ, കോവൽ, വഴുതന, പടവലം, മത്തൻ, കറിക്കായ, ചീര, ചേമ്പ്, കപ്പ, ചക്ക, സപ്പോർട്ട, മുട്ട, ചക്കിലാട്ടിയ വെളിച്ചെണ്ണ എന്നിവയും വാഴവിത്തും കരിമ്പ്, കോവൽ തണ്ട് എന്നിവ ചന്തയിൽ വിതരണം ചെയ്തു.