> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ഇടയാഴം സുബ്രഹ്‌മണ്യസ്വാമി ക്ഷേത്രത്തില്‍ ഉത്സവം കൊടിയേറി
- URL: https://www.vaikomvartha.com/ittyaallln-subrhmnnysvaami-ksseetrttil-utsvn-kottiyeerri/
- Published: 2026-03-24T15:06:01.000Z
- Updated: 2026-03-24T15:06:01.000Z
- Author:  Vaikom Vartha News Desk
- Tags: Latest News

വൈക്കം: ഇടയാഴം സുബ്രഹ്‌മണ്യസ്വാമി ക്ഷേത്രത്തിലെ തിരുവുത്സവത്തിന് തിങ്കളാഴ്ച വൈകിട്ട് ക്ഷേത്രം തന്ത്രി മണയത്താറ്റ്മന ദിനേശന്‍ നമ്പൂതിരി കൊടിയേറ്റി. മേല്‍ശാന്തി യദുകൃഷ്ണന്‍ സഹകാര്‍മ്മികനായി. ശ്രീകോവിലില്‍ വച്ച് പൂജിച്ച കൊടിക്കൂറ അനുഷ്ഠാന വാദ്യങ്ങളുടെ അകമ്പടിയോടെ കൊടിമരചുവട്ടിലേക്ക് എഴുന്നള്ളിച്ചു. കൊടിയേറ്റിന് മുന്‍പ് ചുറ്റുവിളക്ക് തെളിയിച്ചു. കൊടിയേറ്റിന് ശേഷം ക്ഷേത്രനടയില്‍ കെടാവിളക്കില്‍ അസിസ്റ്റന്റ് ദേവസ്വം കമ്മീഷണര്‍ സി.എസ് പ്രവീണ്‍കുമാര്‍ ദീപം തെളിയിച്ചു. കലാമണ്ഡലത്തിലെ കലാപരിപാടികളുടെ ദീപപ്രകാശനം സംഗീതജ്ഞന്‍ വെച്ചൂര്‍ സുദര്‍ശനന്‍ നിര്‍വഹിച്ചു. ക്ഷേത്രം ഉപദേശകസമിതി പ്രസിഡന്റ് വെങ്കിടേശ്വരന്‍ കാവുംപള്ളിമഠം, സെക്രട്ടറി വി.ടി അശോകന്‍, സബ്ഗ്രൂപ്പ് ഓഫീസര്‍ എസ്.അനില്‍കുമാര്‍ എന്നിവര്‍ നേതൃത്വം നല്‍കി. ഉത്സവാഘോഷങ്ങളില്‍ കാഴ്ചശ്രീബലി, അന്നദാനം, ചുറ്റുവിളക്ക്, ഫ്യൂഷന്‍ തിരുവാതിര, ഗാനസന്ധ്യ, നാടകം, പാല്‍ക്കാവടിവരവ്, ഉത്സവബലി ദര്‍ശനം, കാവടി അഭിഷേകം, തിരുവാതിര, സംഗീതാര്‍ച്ചന, വലിയവിളക്ക് മഹോത്സവം, തോല്‍പ്പാവക്കൂത്ത്, മ്യൂസിക്കല്‍ സിംഫണി, കൊടിയിറക്ക്, ആറാട്ട് എഴുന്നള്ളത്ത്, സംഗീതസന്ധ്യ, ആറാട്ട് വരവ്, 25 കലശം എന്നിവ പ്രധാന പരിപാടികളും ചടങ്ങുകളുമാണ്.