> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# കെ. അജിത്തിൻ്റെ പര്യടനം വൈക്കത്ത്
- URL: https://www.vaikomvartha.com/k-ajith-nda-election-vaikom/
- Published: 2026-03-29T14:42:58.000Z
- Updated: 2026-03-29T14:42:58.000Z
- Author:  Vaikom Vartha News Desk
- Tags: Latest News, Election 2026

വൈക്കം: ഓശാന ഞായർ ദിനം രാവിലെ വിവിധ ക്രൈസ്തവ ദേവാലയങ്ങളിൽ സന്ദർശനം നടത്തി എൻ.ഡി.എ സ്ഥാനാർത്ഥി കെ. അജിത്ത്. മഹാസമ്പർക്ക ദിനമായ ഇന്ന് മണ്ഡലത്തിലെ പ്രധാന വ്യക്തികളെ സന്ദർശിക്കുകയും മേഖലയിലെ ഉദയംപൂജ ഉത്സവം നടന്ന സ്ഥലങ്ങളിൽ സന്ദർശനം നടത്തുകയും ചെയ്തു. വൈകിട്ട് അഞ്ച് മണിക്ക് കുലശേഖരമംഗലം എസ്.എൻ.ഡി.പി ഹാളിൽ നടന്ന എൻ.ഡി.എ മറവൻതുരുത്ത് പഞ്ചായത്ത് കൺവെൻഷനിലും പങ്കെടുത്തു. സ്ഥാനാർത്ഥിക്കൊപ്പം ശ്യാമള എസ്. കുന്ദർ, ലേഖ കെ.കെ, ഗോപകുമാർ, അഡ്വ. അപ്പു, പി.എസ്. ഷൈമോൻ എന്നിവരും സന്നിഹിതരായിരുന്നു. കെ. അജിത്തിൻ്റെ വാഹന പര്യടനം നാളെ വെള്ളൂർ, വടകര, ബ്രഹ്മമംഗലം മേഖലകളിൽ. രാവിലെ പള്ളിപ്പടി ജംഗ്ഷനിൽ നിന്നാരംഭിക്കുന്ന പര്യടനം എസ്.എൻ.ഡി.പി ജംഗ്ഷൻ, ഇറുമ്പയം സെൻട്രൽ, വെള്ളൂർ ജംഗ്ഷൻ, ചന്ദ്രാ മല, പമ്പ് ഹൗസ്, പയ്യപ്പള്ളി ജംഗ്ഷൻ എന്നിവിടങ്ങളിലെ പര്യടന ശേഷം വടകര മേഖലയിലെ എരട്ടാനിക്കാവ്, വടകര, തട്ടാവേലി, വരിക്കാംകുന്ന്, തട്ടുംപുറം എന്നിവിടങ്ങളിലെ പര്യടനം പൂർത്തിയാക്കി ഉച്ചക്ക് ശേഷം ബ്രഹ്മമംഗലം മേഖലയിലെ നീരപ്പാറ, അമ്മകുടം, പാറപ്പുറം, ഏനാദി, തുരുത്തുമ്മ, കുന്നേൽപറമ്പ്, വൈപ്പാടമേൽ, ചേന്നശ്ശേരിക്കവല, രാജൻ കവല, ചാവക്കാട്ട് കുഴി എന്നിവിടങ്ങളിലെ പര്യടന ശേഷം ബ്രഹ്മമംഗലത്ത് സമാപിക്കും.