> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# കാർഷിക മേഖലയ്ക്ക് പ്രാധാന്യം നൽകി ചെമ്പ് പഞ്ചായത്തിൻ്റെ ബഡ്ജറ്റ്
- URL: https://www.vaikomvartha.com/kaa-ssik-meekhlykk-praadhaanyn-n-ki-cemp-pnycaaytti-rre-bddjrrrr/
- Published: 2026-03-03T16:02:38.000Z
- Updated: 2026-03-03T16:02:38.000Z
- Author:  Vaikom Vartha News Desk
- Tags: Latest News

ചെമ്പ്: ക്ഷീര - കാർഷിക മേഖലയ്ക്ക് പ്രാധാന്യം നൽകി ബ്രാൻ്റഡ് അരി വിപണിയിലിറക്കാൻ ലക്ഷ്യമിട്ട് ചെമ്പ് പഞ്ചായത്തിൻ്റെ വാർഷിക ബജറ്റ്. ക്ഷീര മേഖല വികസനം ലക്ഷ്യമിട്ട് ക്ഷീരധാര പദ്ധതി, പാടശ്ശേഖര സമിതികൾക്ക് റിവോൾവിങ് ഫണ്ട് നൽകി ചെമ്പ് ഗ്രാമ പഞ്ചായത്തിൻ്റെ പേരിൽ ബ്രാൻറഡ് അരി വിപണിയിൽ എത്തിക്കുന്നതിനുള്ള പ്രാരംഭനടപടികൾ, ടൂറിസം മേഖലയുടെ അടിസ്ഥാന വികസനത്തിനുള്ള പ്രാരംഭ ജോലികൾ, സാന്ത്വന പരിചരണ പദ്ധതി- കരുതൽ, വനിതകളുടെ നൈപുണ്യ വികസനവും സ്വയംതൊഴിൽ സംരഭങ്ങൾ, വയോജനങ്ങൾക്കായുള്ള കരുതൽ- സൗഹൃദ തീരം എന്നിവയാണ് ബജറ്റിലെ പ്രധാന പദ്ധതികൾ.31,76,54,500/-രൂപയുടെ വരവും 31,76,68,500/-രൂപ ചെലവും 3,76,60,770/-രൂപ മിച്ചവും പ്രതീക്ഷിക്കുന്ന വാർഷിക ബഡ്‌ജറ്റാണ് അവതരിപ്പിച്ചത്. ഭവന പദ്ധതികൾക്ക് 5,55,00,000 രൂപയും കാർഷിക മേഖലയ്ക്ക് 23,35,666/-രൂപയും മൃഗ സംരക്ഷണം,ക്ഷീര വികസനവും-57,50,000/-രൂപയും പശ്ചാത്തല മേഖലയ്ക്ക് 1,36,00,000/-രൂപയും ബജറ്റിൽ വകയിരുത്തിയിട്ടുണ്ട്. പഞ്ചായത്ത് പ്രസിഡൻറ് കെ.ജെ സണ്ണിയുടെ അദ്ധ്യക്ഷതയിൽ ചേർന്ന സ്പെഷ്യൽ പഞ്ചായത്ത് യോഗത്തിൽ വൈസ് പ്രസിഡൻ്റ് കെ.വി. ദേവി കൃഷ്ണ യാണ് ബജറ്റ് അവതരിപ്പിച്ചത്