> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# കരി നാലാമത് വാർഷികം അടുത്ത മാസം 9,10 തീയതികളിൽ
- URL: https://www.vaikomvartha.com/kari-kalolsthsavam/
- Published: 2026-04-18T12:45:11.000Z
- Updated: 2026-04-18T12:45:11.000Z
- Author:  Vaikom Vartha News Desk
- Tags: Latest News

വൈക്കം: കരി കലാ സാംസ്‌കാരിക ചാരിറ്റബിൾ ട്രസ്റ്റിന്റെ നാലാമത് കലോത്സവം കിലുക്കാംപെട്ടി അടുത്തമാസം 9,10 തീയതികളിൽ നടക്കും. ഉല്ലല പി.എസ്. ശ്രീനിവാസൻ സ്മാരക ഗവ. എൽ.പി. സ്കൂളിലാണ് പരിപാടി. പ്രമുഖ കലാകാരനും കരി അംഗവുമായിരുന്ന ഉല്ലല സോമനാഥൻ അനുസ്മരണം നടത്തും. സംസ്ഥാന ചലച്ചിത്ര ഡബ്ബിങ്ങ് അവാർഡ് ജേതാവ് വൈക്കം ഭാസിയെ ആദരിക്കും. കരിയുടെ നാലാമത് കലോത്സവത്തിനോട് അനുബന്ധിച്ച് എൽ.പി, യു.പി, ഹൈസ്കൂൾ, ഹയർ സെക്കണ്ടറി വിഭാഗത്തിലെ കുട്ടികൾക്കായി ചിത്രരചനാ മത്സരവും വനിതകൾക്കായി ഫ്യൂഷൻ തിരുവാതിര മത്സരവും നടത്തും. കുരുത്തോല ക്രാഫ്റ്റിംഗ് പരിശീലനവും ചിത്രരചനാ പരിശീലന കളരിയും ഉണ്ടാകും. കരി കലാകാരന്മാർ ചേർന്ന് പി.എസ്. ശ്രീനിവാസൻ സ്മാരക എൽ. പി. സ്കൂളിൽ ചുമർചിത്ര രചന നടത്തും. രാജേഷ് വൈക്കത്തിൻ്റെ നേതൃത്വത്തിൽ ഫ്ലൂട് സാക്സ‌ഫോൺ ഫ്യൂഷനും കുട്ടികളുടെ മറ്റു കലാപരിപാടികളും മെയ് 9, 10 തീയതികളിലായി നടക്കും. ചിത്രരചന, ഫ്യൂഷൻ തിരുവാതിര എന്നീ മത്സരങ്ങളിൽ പങ്കെടുക്കുവാൻ ആഗ്രഹിക്കുന്നവർ ഇതോടൊപ്പം കാണുന്ന ഫോൺ നമ്പറിൽ വിളിച്ച് രജിസ്റ്റർ ചെയ്യേണ്ടതാണെന്ന് കരി ഭാരവാഹികൾ അറിയിച്ചു  
ഫോൺ. 8547 692 990,  
7025 544 475  
9446 122 469