> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# കിളിയൂട്ട് പദ്ധതിക്ക് തുടക്കമായി
- URL: https://www.vaikomvartha.com/killiyuutttt-pddhtikk-tuttkkmaayi/
- Published: 2026-02-13T13:17:26.000Z
- Updated: 2026-02-13T13:17:26.000Z
- Author:  Vaikom Vartha News Desk
- Tags: Latest News

വൈക്കം: മറവന്തുരുത്ത് ഗവ. യു.പി. സ്കൂളിൽ കിളിയൂട്ട് പദ്ധതിക്ക് തുടക്കമായി. 

0:00 

/0:37 

1× 

കടുത്ത വേനൽക്കാലത്തെ അതിജീവിക്കാൻ സഹജീവികൾക്ക് കൈത്താങ്ങ് എന്ന സന്ദേശവുമായാണ് മറവന്തുരുത്ത് ഗവ.യു.പി സ്കൂളിൽ കിളിയൂട്ടിന് തുടക്കമിട്ടത്. കിളിയൂട്ടിന് ജീവകാരുണ്യ പ്രവർത്തകനും മറവന്തുരുത്ത് എന്റെ ഗ്രാമം വാട്സാപ്പ് കൂട്ടായ്മയുടെ അഡ്മിനും ആയ ബെൻഷാദാണ് തുടക്കം കുറിച്ചത്. ചൂടിൽ ദാഹിച്ചു വലയുന്ന പക്ഷിമൃഗാദികൾക്ക് കുടിജലവും ഭക്ഷണവും നൽകുന്ന പദ്ധതിയെ ആവേശപൂർവ്വമാണ് കുട്ടികൾ സ്വീകരിച്ചത്. സഹജീവികളോടുള്ള സ്നേഹം സ്വന്തം വീടുകളിലും നടപ്പാക്കും എന്ന് പ്രതിജ്ഞ എടുത്താണ് കുട്ടികൾ മടങ്ങിയത്. ചടങ്ങിൽ പി.ടി.എ പ്രസിഡന്റ്‌ അഡ്വ.പി.ആർ. പ്രമോദ് അധ്യക്ഷത വഹിച്ചു. ഹെഡ്മാസ്റ്റർ സി.പി. പ്രമോദ് സ്വാഗതവും കോ-കോർഡിനേറ്റർ ബോബി ജോസ് നന്ദിയും പറഞ്ഞു. കുട്ടിക്കർഷക അവാർഡ് ജേതാക്കളായ അബ്ദുൾ റസാൻ, സാറ ജോൺസൻ എന്നിവരും വി.പി. ജയകുമാർ, സൗദ നവാസ്, ഷെജീന അൻസാരി എന്നിവരും അധ്യാപകരായ ഐശ്വര്യ കെ, ആതിര ശശികുമാർ, അരുണിമ ബലരാമൻ, സൗമ്യ സദാനന്ദൻ, നീതു, അംബിക, ജ്യോതിലക്ഷ്മി, ഗീതു സ്മിത എന്നിവരും നേതൃത്വം നൽകി.