> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# കല്ലറയിൽ പൊലീസ് സ്റ്റേഷൻ നാളെ ഉദ്ഘാടനം ചെയ്യും
- URL: https://www.vaikomvartha.com/kllrryi-poliis-srrrreess-naalle-udghaattnn-ceyyun/
- Published: 2026-01-23T14:41:33.000Z
- Updated: 2026-01-23T14:41:33.000Z
- Author:  Vaikom Vartha News Desk
- Tags: Latest News

വൈക്കം: കല്ലറയിൽ പുതിയതായി നിർമിച്ച പൊലീസ് സ്റ്റേഷൻ നാളെ രാവിലെ 11 ന് മുഖ്യമന്ത്രി പിണറായി വിജയൻ ഓൺലൈനായി ഉത്ഘാടനം ചെയ്യും. കളമ്പുകാടുള്ള പോലീസ് സ്‌റ്റേഷൻ പരിസരത്തു നടക്കുന്ന ചടങ്ങിൽ സി.കെ. ആശ എം.എൽ.എ. അധ്യക്ഷത വഹിക്കും. സഹകരണ, തുറമുഖ, ദേവസ്വം വകുപ്പ് മന്ത്രി വി.എൻ. വാസവൻ മുഖ്യപ്രഭാഷണം നടത്തും. ഫ്രാൻസിസ് ജോർജ് എം.പി മുഖ്യാതിഥിയായി പങ്കെടുക്കും.പോലീസ് സ്റ്റേഷനായി 30 സെന്റ് സ്ഥലവും 2,250 ചതുരശ്രയടിയുള്ള രണ്ടുനില കെട്ടിടവും കല്ലറ പഞ്ചായത്ത് ആഭ്യന്തരവകുപ്പിന് വിട്ടുനൽകിയതാണ്. കല്ലറ പഞ്ചായത്തിന്റെ 2019-2020 പ്ലാൻ ഫണ്ടിൽനിന്നുള്ള 33.66 ലക്ഷംരൂപ വിനിയോഗിച്ചാണ് രണ്ടുനില കെട്ടിടം നിർമിച്ചത്. ഒരു നിലയും പോർച്ച് അടക്കമുള്ള സൗകര്യങ്ങളുമായി 1,500 ചതുരശ്രയടി കെട്ടിടം കൂട്ടിച്ചേർത്താണ് പോലിസ് സ്റ്റേഷൻ നിർമ്മിച്ചത്. സ്റ്റേഷൻ ഹൗസ് ഓഫീസർ, സബ് ഇൻസ്പെക്ടർ എന്നിവരുടെ മുറികൾ, ഓഫീസ് മുറികൾ, വിശ്രമമുറി, ലോക്കപ്പ്, തൊണ്ടിമുതൽ സൂക്ഷിക്കുന്നതിനുള്ള മുറി, ശൗചാലയങ്ങൾ എന്നിവയടക്കമുള്ള സൗകര്യങ്ങളടക്കം പോലീസ് സ്റ്റേഷനിലുണ്ട്. കെട്ടിടം വിപുലീകരിക്കുന്നതിനും സ്റ്റേഷനിലെ സൗകര്യങ്ങൾ ഒരുക്കുന്നതിനും സി.കെ. ആശ എം.എൽ.എയുടെ പ്രാദേശിക വികസനഫണ്ടിൽനിന്ന് 36.50 ലക്ഷം രൂപയും അനുവദിച്ചു. വെച്ചൂർ പഞ്ചായത്തടക്കം ഉൾപ്പെടുന്നതാണ് കല്ലറ പോലീസ് സ്റ്റേഷൻ പരിധി.