> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# കോട്ടയത്ത് സി.എം.എസ്. കോളേജിൽ യൂണിയൻ തിരഞ്ഞെടുപ്പ്: വൻ സംഘർഷം
- URL: https://www.vaikomvartha.com/koottttytt-si-en-es-koolleeji-yuunniy-tirnynyettupp-v-sngh-ssn/
- Published: 2025-08-21T17:43:20.000Z
- Updated: 2025-08-21T17:43:58.000Z
- Author:  Vaikom Vartha News Desk
- Tags: Kottayam, Latest News

കോട്ടയം: സി.എം.എസ്. കോളേജിൽ യൂണിയൻ വിദ്യാർത്ഥി യൂണിയൻ തെരഞ്ഞെടുപ്പിനിടെ സംഘർഷം. തെരഞ്ഞെടുപ്പ് അലങ്കോലപ്പെടുത്താൻ എസ്.എഫ്.ഐ. ശ്രമിക്കുന്നുവെന്ന് ആരോപിച്ച് കെ.എസ്‌.യു. ക്യാമ്പസിൽ പ്രതിഷേധമുയർത്തി. ക്ലാസ് റപ്രസെന്ററ്റീവ് തെരഞ്ഞെടുപ്പിൽ കെ.എസ്‌.യു. മുന്നിട്ട് നിൽക്കുന്ന സാഹചര്യത്തിലാണ് എസ്.എഫ്.ഐ. മനപ്പൂർവം തിരഞ്ഞെടുപ്പ് പ്രക്രിയ അട്ടിമറിക്കാൻ ശ്രമിക്കുന്നത് എന്നാണ് കെ.എസ്.യു. ആരോപണം. ചെയർമാൻ അടക്കമുള്ള പ്രധാന സീറ്റുകളിലേക്കുള്ള തെരഞ്ഞെടുപ്പിൽ വോട്ട് ചെയ്യേണ്ടത് ആദ്യഘട്ടത്തിൽ പ്രതിനിധികളായി തെരഞ്ഞെടുക്കപ്പെടുന്ന ക്ലാസ് റപ്രസന്റേറ്റീവുകളാണ്. ഈ സാഹചര്യത്തിൽ തെരഞ്ഞെടുപ്പ് അട്ടിമറിക്കപ്പെടുമെന്ന് ചൂണ്ടിക്കാട്ടിൽ കെ.എസ്‌.യു. പ്രവർത്തകർ ക്യാമ്പസിൽ പ്രതിഷേധ മുദ്രാവാക്യം മുഴക്കി. സംഘർഷ സാധ്യത കണക്കിലെടുത്ത് വൻ പോലീസ് സന്നാഹം ഉണ്ടായിരുന്നു. കഴിഞ്ഞ 25 വർഷമായി എസ്.എഫ്.ഐയുടെ കുത്തകയാണ് സി.എം.എസ്. കോളേജിലെ വിദ്യാർത്ഥി യൂണിയൻ.