> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# കോട്ടയത്ത്  വിവിധ അപകടങ്ങളിൽ ആറ് പേർക്ക് പരിക്കേറ്റു
- URL: https://www.vaikomvartha.com/koottttytt-vividh-apkttngnglli-aarr-pee-kk-prikkeerrrru/
- Published: 2025-08-21T11:33:46.000Z
- Updated: 2025-08-21T11:33:46.000Z
- Author:  Vaikom Vartha News Desk
- Tags: Kottayam

കോട്ടയം: ഇന്നലെ അർദ്ധരാത്രിയിലുണ്ടായ വിവിധ അപകടങ്ങളിൽ പരുക്കേറ്റ 6 പേരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. ബൈക്ക് നിയന്ത്രണം വിട്ടു മറിഞ്ഞ് തിരുവനന്തപുരം സ്വദേശി ലിജോ ക്രിസ്റ്റഫർ (20 ) കൊല്ലം സ്വദേശി ആൽബിൻ മാത്യു ( 21 ) എന്നിവർക്ക് പരുക്കേറ്റു. 2 മണിയോടെ ഭരണങ്ങാനത്ത് വച്ചായിരുന്നു അപകടം.  
കാർ നിയന്ത്രണം വിട്ട് മരത്തിൽ ഇടിച്ചു പരുക്കേറ്റ കുടുംബാംഗങ്ങൾ പള്ളിക്കത്തോട് സ്വദേശികളായ പ്രീതി റിനോഷ് (44) സാന്ദ്ര റിനോഷ് (23) റിനോഷ് (47 ) എന്നിവർക്ക് പരുക്കേറ്റു. 2 മണിയോടെ പള്ളിക്കത്തോട് ഭാഗത്ത് വച്ചായിരുന്നു അപകടം.  
നിയന്ത്രണം വിട്ട് ബൈക്ക് മറിഞ്ഞ് ചെമ്മലമറ്റം സ്വദേശി ജിതിൻ ലൂക്കിന് (36 ) പരുക്കേറ്റു. ഒരു മണിയോടെ ചെമ്മലമറ്റം ഭാഗത്ത് വച്ചായിരുന്നു അപകടം.