> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# സർജിക്കൽ ബ്ലോക്കിൽ വെള്ളം മുടങ്ങി: രോഗികൾ ദുരിതത്തിൽ
- URL: https://www.vaikomvartha.com/kottayam-medical-college/
- Published: 2026-04-13T09:00:55.000Z
- Updated: 2026-04-13T09:00:55.000Z
- Description: എസ്. സതീഷ്കുമാർ
- Author:  Vaikom Vartha News Desk
- Tags: Latest News

കോട്ടയം: മെഡിക്കൽ കോളേജിലെ സർജിക്കൽ ബ്ലോക്കിൽ വെള്ളം മുടങ്ങി. ഇന്ന് ശസ്ത്രക്രിയയ്ക്ക് തയ്യാറാക്കിയ രോഗികൾ രാവിലെ മുതൽ ദുരിതത്തിലായി .മോട്ടോർ കേടായതാണ് ആയതാണ് വെള്ളമില്ലാത്തതിന് കാരണമെന്നാണ് വിവരം. വെള്ളമില്ലാത്തതിനാലാണ് കോട്ടയം മെഡിക്കൽ കോളേജിലെ ഇന്നത്തെ സർജറികൾ മാറ്റിയതെന്ന് ഡോക്ടർമാർ പറഞ്ഞെന്ന് രോഗികളുടെ ബന്ധുക്കൾ. ഉച്ചവരെ ഉടൻ വെള്ളം വരും സർജറി നടക്കുമെന്ന് അറിയിച്ചതായി രോഗികളുടെ കൂട്ടിരിപ്പുകാർ പറഞ്ഞു. വാർഡിൽ ഇന്നലെ മുതൽ വെള്ളമില്ലായിരുന്നുവെന്നും രോഗികൾക്ക് ഒപ്പമുള്ളവർ പറഞ്ഞു. ആറര മുതൽ അടിയന്തിര ശസ്ത്രക്രിയയായി തയ്യാറാക്കിയ രോഗികളെ ഉച്ചയോടെ വാർഡിലേക്ക് മാറ്റി. രാത്രി ഭക്ഷണം കഴിച്ച് വയറടക്കം ശുദ്ധി ചെയ്ത കുട്ടികളും വയോധികരുമായ നിരവധി രോഗികളെയാണ് വെള്ളമില്ലാതെ ശസ്ത്രക്രിയ മുടങ്ങിയതിനെത്തുടർന്ന് ഉച്ചയോടെ വാർഡിലേക്ക് മാറ്റിയത്. പരാതി പറഞ്ഞിട്ടും നടപടി ഉണ്ടായില്ലെന്നും രോഗികളുടെ ബന്ധുക്കൾ പരാതിപ്പെട്ടു