> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# യുവാവിനെ കാറിനുള്ളിൽ മരിച്ച നിലയിൽ കണ്ടെത്തി
- URL: https://www.vaikomvartha.com/kottayam-news/
- Published: 2026-07-13T10:52:05.000Z
- Updated: 2026-07-13T10:52:05.000Z
- Author:  Vaikom Vartha News Desk
- Tags: Main News

വൈക്കം: ചെമ്പിൽ 43 കാരനെ കാറിനുള്ളിൽ മരിച്ച നിലയിൽ കണ്ടെത്തി. പുന്നൻപറമ്പ് ഗിരീഷ് ആണ് മരിച്ചത്. ചെമ്പ് അയ്യൻകോവിലിന് സമീപം ഇന്നലെ രാത്രി 9 മണിയോടെയാണ് ഗിരീഷിനെ കാറിനുള്ളിൽ മരിച്ച നിലയിൽ കണ്ടത്. കാറിന്റെ എ.സി ഓൺ ചെയ്ത നിലയിലായിരുന്നു. പ്രദേശവാസിയായ സുഹൃത്തുമായി സ്വകാര്യ ആവശ്യത്തിനായി ഇവിടെ പകൽ എത്തിയതായിരുന്നു ഗിരീഷ് .കുറച്ചു സമയം കഴിഞ്ഞ് മടങ്ങി പൊയ്ക്കോളാം എന്ന് പറഞ്ഞതിനാൽ സുഹൃത്ത് ഇടയ്ക്ക് കാറിൽ നിന്ന് ഇറങ്ങി മടങ്ങിപ്പോകുകയും ചെയ്തു. പിന്നീടാണ് ഇന്നലെ രാത്രി 9 മണിയോടെയാണ് ഗിരീഷിനെ കാറിൽ മരിച്ച നിലയിൽ നാട്ടുകാർ കണ്ടത്. പ്രാഥമിക അന്വേഷണത്തിൽ മരണത്തിൽ ദുരൂഹത ഇല്ലെന്നും ഇൻക്വസ്റ്റ് നടപടികൾ പൂർത്തിയാക്കി മൃതദേഹം കോട്ടയം മെഡിക്കൽ കോളേജിൽ പോസ്റ്റ്മോർട്ടത്തിനയച്ചിരിക്കുകയാണ് എന്നും പോലീസ് വൃത്തങ്ങൾ അറിയിച്ചു. കാറിനുള്ളിൽ വച്ച് മദ്യപാനം നടന്നിരുന്നതായും ലഹരിയിറങ്ങിയ ശേഷം പോയ്ക്കൊള്ളാമെന്ന് പറഞ്ഞത് കൊണ്ടാണ് ഒപ്പമുണ്ടായിരുന്നയാൾ മടങ്ങിപോയതെന്നുമാണ് നിലവിൽ പോലീസിന് മനസിലാക്കാൻ കഴിഞ്ഞിരിക്കുന്നത്. പോസ്റ്റ്മോർട്ടം റിപ്പോർട്ട് കിട്ടിയാൽ മാത്രമെ മരണകാരണം വ്യക്തമാകൂ.