> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# കൊട്ടാരപ്പള്ളി ആശ്രമ ദേവാലയത്തില്‍ സെബസ്ത്യാനോസിന്റെ തിരുനാളിന് കൊടിയേറി
- URL: https://www.vaikomvartha.com/kottttaarpplllli-aashrm-deevaalyttil-sebstyaanoosinrre-tirunaallin-kottiyeerri/
- Published: 2026-02-06T16:00:26.000Z
- Updated: 2026-02-06T16:00:26.000Z
- Author:  Vaikom Vartha News Desk
- Tags: Latest News

വൈക്കം: കൊട്ടാരപ്പള്ളി ആശ്രമ ഇടവക ദേവാലയത്തില്‍ വിശുദ്ധ സെബസ്ത്യാനോസിന്റെ തിരുനാളിന് ഇന്ന് വൈകിട്ട് മാര്‍ ആന്റണി കരിയില്‍ കൊടിയേറ്റി. വികാരി ഫാദര്‍ സിബിന്‍ പെരിയപ്പാടന്‍, സഹ വികാരി ഫാദര്‍ പീറ്റര്‍ നെടുങ്ങാടന്‍ എന്നിവര്‍ സഹ കാര്‍മ്മികരായിരുന്നു. കൊടിയേറ്റിനു മുന്നോടിയായി നടന്ന ദിവ്യകാരുണ്യ ആരാധനയ്ക്ക് ഫാദര്‍ മാത്യൂസ് മുകാല മുഖ്യ കാര്‍മ്മികനായിരുന്നു. നാളെ വേസ്പര ദിനം ആചരിക്കും. വൈകിട്ട് 5 ന് നടക്കുന്ന വേസ്പര ചടങ്ങുകള്‍ക്ക് ഫാദര്‍ ഫ്രെഡി കോട്ടൂര്‍, ഫാദര്‍ സുരേഷ് റോക്കി മല്‍പ്പാടന്‍ എന്നിവര്‍ കാര്‍മ്മികരാകും. തുടര്‍ന്ന് പ്രദക്ഷിണവും വെടിക്കെട്ടും നടക്കും. ഞായറാഴ്ച തിരുനാള്‍ ആഘോഷിക്കും. വൈകിട്ട് 4.30 ന് നടക്കുന്ന തിരുനാള്‍ പാട്ടുകുര്‍ബാനയ്ക്ക് ഫാദര്‍ ഫിനില്‍ ഏഴാരത്ത്, ഫാദര്‍ ജെസ്റ്റിന്‍ പുത്തന്‍പുരയ്ക്കല്‍ എന്നിവര്‍ മുഖ്യ കാര്‍മ്മികരാകും. തുടര്‍ന്ന് പ്രദക്ഷിണവും സംഗീത കലാവിരുന്നും നടക്കും. കൊടിയേറ്റ് ചടങ്ങിന് വികാരി ഫാദര്‍ സിബിന്‍ പെരിയപ്പാടന്‍, ഫാദര്‍ പീറ്റര്‍ നെടുങ്ങാടന്‍, വൈസ് ചെയര്‍മാന്‍ ജോസഫ് മരോട്ടിക്കരി, ട്രസ്റ്റിമാരായ സെബാസ്റ്റിയന്‍ പെരിങ്ങേലിച്ചിറ, റോയി ഇടയ്ക്കാട്ടുതറ, കണ്‍വീനര്‍ സജിമോന്‍ മാനന്തിക്കരി എന്നിവര്‍ നേതൃത്വം നല്‍കി.