> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# കൊട്ടാരപ്പള്ളി ആശ്രമ ഇടവക ദേവാലയത്തില്‍ തിരുനാളിന് നാളെ കൊടിയേറും
- URL: https://www.vaikomvartha.com/kottttaarpplllli-aashrm-ittvk-deevaalyttil-tirunaallin-naalle-kottiyeerrun/
- Published: 2026-02-05T14:20:41.000Z
- Updated: 2026-02-05T14:20:41.000Z
- Author:  Vaikom Vartha News Desk
- Tags: Latest News

വൈക്കം: കൊട്ടാരപ്പള്ളി ആശ്രമ ഇടവക ദേവാലയത്തില്‍ വിശുദ്ധ സെബസ്ത്യാനോസിന്റെ തിരുനാളിന് നാളെ കൊടിയേറും. വൈകിട്ട് 4.30 ന് പൊതു ആരാധനയുടെ ദിവ്യകാരുണ്യ പ്രദക്ഷിണത്തിനുശേഷം മാര്‍ ആന്റണി കരിയില്‍ തിരുനാളിന് കൊടിയേറ്റും. ഇടവക വികാരി ഫാദര്‍ സിബിന്‍ പെരിയപ്പാടന്‍, ഫാദര്‍ പീറ്റര്‍ നെടുങ്ങാടന്‍ എന്നിവരാണ് സഹകാര്‍മ്മികര്‍. 7 ന് വേസ്പര ദിനം ആചരിക്കും. രാവിലെ നടക്കുന്ന വിശുദ്ധകുര്‍ബാനയ്ക്ക് ഫാദര്‍ പീറ്റര്‍ നെടുങ്ങാടന്‍ കാര്‍മ്മികനാകും. തുടര്‍ന്ന് ഭവനങ്ങളിലേയ്ക്ക് അമ്പ് എഴുന്നള്ളിക്കും. വൈകിട്ട് 4.30 ന് വേസ്പരയുടെ ചടങ്ങുകള്‍ നടക്കും. ഫാദര്‍ ഫ്രെഡി കോട്ടൂര്‍, ഫാദര്‍ സുരേഷ് റോക്കി മല്‍പ്പാന്‍ എന്നിവര്‍ കാര്‍മ്മികരാകും. തുടര്‍ന്ന് പ്രദക്ഷിണവും വെടിക്കെട്ടും നടക്കും. ഞായറാഴ്ച തിരുനാള്‍ ആഘോഷിക്കും. വൈകിട്ട് 4.30 ന് നടക്കുന്ന തിരുനാള്‍ പാട്ടുകുര്‍ബാനയ്ക്ക് ഫാദര്‍ ഫിനില്‍ ഏഴാരത്ത്, ഫാദര്‍ ജെസ്റ്റിന്‍ പുത്തന്‍പുരയ്ക്കല്‍ എന്നിവര്‍ മുഖ്യ കാര്‍മ്മികരാകും. തുടര്‍ന്ന് തിരുനാള്‍ പ്രദക്ഷിണവും സംഗീതകലാവിരുന്നും നടക്കും. 9 ന് മരിച്ചവരുടെ ഓര്‍മ്മ ദിനം ആചരിക്കും.