> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# കോഴി വേസ്റ്റ് തള്ളുന്നതായി പരാതി
- URL: https://www.vaikomvartha.com/koziveste-thalliyathayi-parathi/
- Published: 2026-04-27T13:14:38.000Z
- Updated: 2026-04-27T13:14:38.000Z
- Author:  Vaikom Vartha News Desk
- Tags: Latest News

വൈക്കം: ഉല്ലല വല്ലയിൽ പാലത്തിൽ നിന്നും തോട്ടിലേക്ക് കോഴിയുടെ അവശിഷ്ടങ്ങൾ തള്ളുന്നത് മൂലം തോട്ടിലെ വെള്ളം മലിനമാവുകയും, ദുർഗന്ധം മൂലം അയൽവാസികൾക്കും, വഴിയാത്രക്കാർക്കും ഛർദിയും, ദേഹാസ്വാസ്ഥ്യവും അനുഭവപ്പെട്ടു. സ്ത്രീകൾക്കും, കുട്ടികൾക്കും വയോധികർക്കും ആണ് ഇത്തരത്തിൽ കൂടുതൽ ബുദ്ധിമുട്ടുണ്ടാകുന്നത്. സമീപപ്രദേശത്തെ വീടുകളിൽ താമസിക്കുന്നവർക്ക് കടുത്ത ചൂട് അനുഭവിക്കുന്ന വേനൽക്കാലത്ത് വാതിലും, ജനലും തുറന്നു ഇടാൻ പോലും സാധിക്കുന്നില്ല. വലിയ ആരോഗ്യപ്രശ്നം ഉണ്ടാവുന്ന ഈ കാര്യത്തിൽ ബന്ധപ്പെട്ട പഞ്ചായത്ത്, ആരോഗ്യമേഖലയിലുള്ള അധികാരികളെ അറിയിക്കുകയും ബോർഡ് സ്ഥാപിച്ചിട്ടും ഇതിനൊരു പരിഹാരം ആകുന്നില്ല. കോഴി കച്ചവടം നടത്തുന്ന കച്ചവടക്കാരാണ് വേസ്റ്റ് തള്ളുന്നതെന്ന് നാട്ടുകാര് ആരോപിക്കുന്നു. ഈ പ്രദേശം പഞ്ചായത്ത് പ്രസിഡന്റിന്റെ നേതൃത്വത്തിൽ സന്ദർശിച്ച് പരിഹരിക്കാം എന്ന ഉറപ്പു നൽകിയത് ആണ്. അടിയന്തര പരിഹാരം ഉണ്ടായില്ലെങ്കിൽ വലിയ ആരോഗ്യപ്രശ്നം ഉണ്ടാകുമെന്ന് നാട്ടുകാർ പറയുന്നു.