> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# കൃഷിയെ ജീവിതമാക്കി 78 കാരിയായ ഓമന
- URL: https://www.vaikomvartha.com/krssiye-jiivitmaakki-78-kaariyaay-oomn/
- Published: 2026-08-27T09:44:56.000Z
- Updated: 2026-08-27T09:44:56.000Z
- Author:  Vaikom Vartha News Desk
- Tags: Latest News

വൈക്കം: ഗ്രാമീണ സമ്പദ് വ്യവസ്ഥയിൽ സ്ത്രീകൾ വഹിക്കുന്ന നിർണ്ണായക പങ്കിനെ എടുത്തു കാണിക്കുന്നതിനും വേണ്ടി ഐക്യരാഷ്ടസഭ 2026 വനിതാ കർഷക വർഷമായി പ്രഖ്യാപിച്ച പശ്ചാത്തലത്തിൽ ഉദയനാപുരം ഗ്രാമ പഞ്ചായത്ത് ഇടിവേലി ഓമനയെ മാതൃകാ വനിതാ കർഷകയായി പ്രഖ്യാപിച്ചു. 

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/08/1000666744-13.jpg)

കർഷക ദിനത്തിലായിരുന്നു കെ. ബിനിമോൻ എം.എൽ.എ. ഓമനയെ പഞ്ചായത്തിലെ മാതൃക കർഷകയായി പ്രഖ്യാപിച്ചത്. 13-ാം വയസ്സിൽ മാതാപിതാക്കളോടൊപ്പം കൃഷി ചെയ്യുന്നതിന് പാടത്തേക്ക് ഇറങ്ങിയ ഓമന 78 -ാം വയസ്സിലും വിശ്രമമില്ലാതേ കൃഷിയിടത്തിലുണ്ട്. മാനാപ്പള്ളി പാടശേഖരത്തിൽ രണ്ട് ഏക്കർ സ്ഥലത്ത് കൃഷി ചെയ്യുന്ന ഓമന നിലം ഒരുക്കുന്നതു മുതൽ കൊയ്ത് നെല്ല് കയറ്റി വിടുന്നതുവരെയുള്ള മുഴുവൻ ജോലികളും ചെയ്യുന്നതിന് മുന്നിലുണ്ട്. ഓമനയുടെ ഈ പ്രവർത്തനമാണ് ഈ പഞ്ചായത്തിൻ്റെ അംഗീകാരത്തിന് അർഹയാക്കിയതെന്ന് പഞ്ചായത്ത് പ്രസിഡൻ്റ് കെ.ജി. രാജു പറഞ്ഞു.