> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# സ്ത്രീ സൗജന്യ ബസ് യാത്ര; തലയോലപ്പറമ്പിൽ മധുരവിതരണവുമായി മഹിളാ കോൺഗ്രസ്
- URL: https://www.vaikomvartha.com/ksrtc-priyadarshini-padathi-thalayolaparambu/
- Published: 2026-06-15T09:25:55.000Z
- Updated: 2026-06-15T12:47:55.000Z
- Author:  Vaikom Vartha News Desk
- Tags: Latest News

തലയോലപ്പറമ്പ്: സ്ത്രീ സൗജന്യ യാത്ര ബസ്സിലെ യാത്രികർക്ക് മധുരം നൽകി തലയോലപ്പറമ്പിൽ മഹിളാ കോൺഗ്രസിൻ്റെ ആഹ്ലാദ പ്രകടനം. മഹിളാ കോൺഗ്രസ് തലയോലപ്പറമ്പ് ബസ് ടെർമിനലിലാണ് മധുര വിതരണവും ആഹ്ലാദ സമ്മേളനവും നടത്തിയത്. ബസ്സ് ടെർമിനലിൽ എത്തിച്ചേർന്ന സൗജന്യ യാത്രാ ബസ്സിലെ യാത്രികർക്ക് മഹിളാ കോൺഗ്രസ് പ്രവർത്തകർ ലഡു വിതരണം ചെയ്തു. തുടർന്ന് യു.ഡി.എഫ് സർക്കാരിന് അഭിവാദ്യം അർപ്പിച്ചുകൊണ്ട് നടത്തിയ സമ്മേളനം ബ്ലോക്ക് കോൺഗ്രസ് കമ്മിറ്റി പ്രസിഡണ്ട് എം.കെ ഷിബു ഉദ്ഘാടനം ചെയ്തു. കേരള ചരിത്രത്തിൽ പുതിയൊരു അധ്യായമാണ് സ്ത്രീ സൗജന്യ യാത്രയിലൂടെ രചിക്കപ്പെട്ടതെന്നും തെരഞ്ഞെടുപ്പ് വാഗ്ദാനങ്ങൾ പാലിക്കുന്ന സർക്കാരാണ് യു.ഡി.എഫിന്റേതെന്ന് തെളിയിക്കപ്പെട്ടുവെന്നും ബ്ലോക്ക് പ്രസിഡൻ്റ് എം.കെ ഷിബു പറഞ്ഞു. 

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/06/1000566140-31.jpg)

മഹിളാ കോൺഗ്രസ് സംസ്ഥാന സെക്രട്ടറി വിജയമ്മ ബാബു അധ്യക്ഷത വഹിച്ചു. സാൻ്റിടീച്ചർ, ലീല ചെറുകുഴി, അനിത സുഭാഷ്, ഉഷ മുരളി, സി.എസ്. ചന്ദ്രിക, അമ്പിളി മായാത്മജൻ, നിർമ്മല മാർട്ടിൻ, ഫെബിന നിസാർ, ശില്പ സാജു, വി.സി. ജോഷി, പ്രമോദ് സുഗുണൻ, ജോൺ തറപ്പേൽ, റോയ് ഇരുമ്പയം എന്നിവരും പങ്കെടുത്തു.