> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# കുടുംബശ്രീയുടെ തണ്ണീർ പന്തൽ: ഉദയനാപുരത്ത് ഉദ്ഘാടനം ചെയ്തു
- URL: https://www.vaikomvartha.com/kuambasree-thannerpanthal/
- Published: 2026-05-09T07:20:55.000Z
- Updated: 2026-05-09T07:20:55.000Z
- Description: എസ്. സതീഷ്കുമാർ
- Author:  Vaikom Vartha News Desk
- Tags: Latest News

വൈക്കം: വൈക്കം-തലയോലപ്പറമ്പ് റോഡിൽ ഉദയനാപുരം പഞ്ചായത്തിന് സമീപം ഇനി സംഭാരവും തണ്ണിമത്തനുമായി തണ്ണീർ പന്തലിൽ കുടുംബശ്രീ പ്രവർത്തകർ ഉണ്ടാകും. ചൂടിന്റെ കാഠിന്യമകറ്റാനാണ് ഉദയനാപുരം പഞ്ചായത്ത് ഓഫീസിന് സമീപത്ത് സംഭാരവും തണ്ണിമത്തനും വിതരണം ചെയ്യുന്നത്. ഉദയനാപുരം പഞ്ചായത്ത് കുടുംബശ്രീ സി.ഡി.എസ്സ്. കമ്മറ്റിയുടെ നേതൃത്വത്തിലാണ് പഞ്ചായത്ത് ഓഫീസിന് സമീപം തണ്ണീർ പന്തൽ തുറന്നത്. തണ്ണീർ പന്തലിൻ്റെ ഉദ്ഘാടനം പഞ്ചായത്ത് പ്രസിഡൻ്റ് കെ.ജി. രാജു നിർവ്വഹിച്ചു. പൊതുജനങ്ങൾക്കും പ്രയോജനപ്പെടുന്ന തരത്തിലാണ് തണ്ണീർ പന്തൽ ക്രമീകരിച്ചിരിക്കുന്നതെന്ന് പഞ്ചായത്ത് പ്രസിഡൻ്റ് കെ.ജി. രാജു പറഞ്ഞു. സി.ഡി.എസ്സ്. ചെയർപേഴ്സൺ പ്രിയാ ദിലീപ് അദ്ധ്യക്ഷത വഹിച്ച ഉത്ഘടന യോഗത്തിൽ പഞ്ചായത്ത് വൈസ് പ്രസിഡൻ്റ് ബിന്ദു അനിൽകുമാർ, സ്റ്റാൻഡിങ്ങ് കമ്മറ്റി ചെയർമാന്മാരായ ജസീനാ ഷാജുദ്ദീൻ, കെ. ദീപേഷ്, അജിതാ മധുകുട്ടൻ, സി.ഡി.എസ് വൈസ് ചെയർപേഴ്സൺ സുനിലാ ഷിബു, ലതാ ജാനകി, പഞ്ചായത്ത് മെഡിക്കൽ ഓഫീസർ ഡോ.അലക്സ്, ഹെൽത്ത് ഇൻസ്പെക്ടർ കാളിദാസൻ എന്നിവർ പങ്കെടുത്തു.