> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# അസോസിയേന്‍ ഓഫ് ഓട്ടോമൊബൈല്‍ വര്‍ക്ക്‌ഷോപ്പ്‌സ് കേരള കുടുംബസംഗമവും മെയ്ദിന റാലിയും നടത്തി
- URL: https://www.vaikomvartha.com/kudumbasamgamavum-maydina-raliyum/
- Published: 2026-05-02T12:11:37.000Z
- Updated: 2026-05-02T12:11:37.000Z
- Author:  Vaikom Vartha News Desk
- Tags: Latest News

വൈക്കം: അസോസിയേന്‍ ഓഫ് ഓട്ടോമൊബൈല്‍ വര്‍ക്ക്‌ഷോപ്പ്‌സ് കേരള വൈക്കം യൂണിറ്റിന്റെ 31-ാമത് വാര്‍ഷികവും കുടുംബസംഗമവും മെയ്ദിന റാലിയും നടത്തി. യൂണിറ്റിന്റെ കീഴിലുള്ള നൂറുകണക്കിന് തൊഴിലാളികള്‍ ഇരുചക്രവാഹനങ്ങളില്‍ സഞ്ചരിച്ച് നഗരംചുറ്റി മെയ്ദിന റാലി നടത്തി. 

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/05/1000530212-1-1.jpg)

മെയ്ദിന റാലി ജില്ലാ പ്രസിഡന്റ് എ.ആര്‍. രാജന്‍ ഫ്‌ളാഗ് ഓഫ് ചെയ്യുന്നു

സീതറാം ഓഡിറ്റോറിയത്തില്‍ നടത്തിയ വാര്‍ഷികവും കുടുംബസംഗമവും സംസ്ഥാന പ്രസിഡന്റ് കെ.ജി. ഗോപകുമാര്‍ ഉദ്ഘാടനം ചെയ്തു. യൂണിറ്റ് പ്രസിഡന്റ് ടി.ആര്‍. അഭിലാഷ് അദ്ധ്യക്ഷത വഹിച്ചു. സംസ്ഥാന ജോയിൻ്റ് സെക്രട്ടറി പി.എല്‍. ജോസ്‌മോന്‍ മുഖ്യ പ്രഭാഷണം നടത്തി. 'സംഘടന ഇന്ന്' വിഷയം ജില്ലാ പ്രസിഡന്റ് എ.ആര്‍. രാജന്‍ വിശദീകരിച്ചു. ജില്ലാ സെക്രട്ടറി കെ.പി.എന്‍. സുരേഷ് ബാബു വിവിധ രംഗങ്ങളില്‍ കഴിവ് തെളിയിച്ചവരെ ആദരിച്ചു. 

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/05/1000530082-1.jpg)

ജില്ലാ ട്രഷറര്‍ പി.ജി. ഗിരീഷ് ഐ.ഡി. കാര്‍ഡുകള്‍ വിതരണം ചെയ്തു. യൂണിറ്റ് ജോയിന്‍ സെക്രട്ടറി സി. ബിജീഷ് കുമാര്‍ റിപ്പോര്‍ട്ട് അവതരിപ്പിച്ചു. യൂണിറ്റ് ട്രഷറര്‍ സജീവ് ഫ്രാന്‍സിസ്, ഷിഫാസ് എം. ഇസ്മയില്‍, കെ.എന്‍. സതീശന്‍, ആര്‍. രാജേഷ്, ടി.എം. ഷാജഹന്‍, കെ.എന്‍. ചന്ദ്രശേഖരന്‍, പി.എസ്. ഉദയകുമാര്‍, എന്നിവര്‍ പ്രസംഗിച്ചു. യൂണിറ്റിലെ കലാകാരന്‍മാര്‍ കലാപരിപാടികളും അവതരിപ്പിച്ചു.