> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# നിതിന്‍രാജിന്റെ മരണത്തിനുത്തരവാദികളായവരെ അറസ്റ്റ് ചെയ്ത് ജയിലിലടയ്ക്കണം: കേരള വേലന്‍ മഹാജനസഭ
- URL: https://www.vaikomvartha.com/kuttakkare-arrest-cheyanam/
- Published: 2026-04-17T14:10:18.000Z
- Updated: 2026-04-17T14:10:18.000Z
- Author:  Vaikom Vartha News Desk
- Tags: Latest News

വൈക്കം: ജാതി അധിക്ഷേപം മൂലം ആത്മഹത്യചെയ്ത കണ്ണൂരിലെ അഞ്ചരകണ്ടി മെഡിക്കല്‍ കോളേജിലെ ഒന്നാം വര്‍ഷ ബി.ഡി.എസ് വിദ്യാര്‍ത്ഥി തിരുവനന്തപുരം ഉഴമലയ്ക്കല്‍ സ്വദേശി ആര്‍.എല്‍. നിതിന്‍രാജ് ആശുപത്രി കെട്ടിടത്തിന്റെ മുകളില്‍ നിന്നും ചാടി ജിവനൊടുക്കിയ സംഭവം കേരളത്തിലെ പട്ടികജാതി സമൂഹത്തിന് ഏറ്റ വലിയ ദു:ഖമാണെന്നും, സംഭവത്തിന്റെ പിന്നില്‍ കോളേജിലെ അദ്ധ്യാപകരാണെന്നും സംഭവത്തെക്കുറിച്ച് അന്വേഷിച്ച് ഉത്തരവാദികളായ പ്രതികളെ ഉടന്‍ അറസ്റ്റ് ചെയ്ത് നിയമത്തിന്റെ മുന്നില്‍ കൊണ്ടുവരണമെന്നും കേരള വേലന്‍ മഹാജനസഭ സര്‍ക്കാരോട് ആവശ്യപ്പെട്ടു. കോളേജില്‍ നിതിന്‍രാജിന് വലിയ അവഹേളനമാണ് ഉണ്ടായതെന്നും പട്ടികജാതിക്കാരനും കറുത്തവനുമാണെന്നുള്ള അധ്യാപകരില്‍ നിന്നുണ്ടായ അവഹേളനം നിതിന്‍രാജിന് താങ്ങാനായില്ലെന്നും സംസ്ഥാന കമ്മറ്റി ചൂണ്ടികാട്ടി. നിതിന്‍രാജിന്റെ മരണത്തിന് ഉത്തരവാദികള്‍ ആരായാലും അവരെ സര്‍വീസില്‍ നിന്നും പുറത്താക്കി അറസ്റ്റ് ചെയ്ത് ജയിലില്‍ അടക്കണമെന്നും, കുറ്റക്കാരില്‍നിന്നും നഷ്ടപരിഹാരതുക ഈടാക്കി നിതിന്‍രാജിന്റെ കുടുംബത്തിന് നല്‍കണമെന്നും കേരള വേലന്‍ മഹാജന സഭ കമ്മറ്റി ആവശ്യപ്പെട്ടു.