> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ലെറ്റർ ടൂറിസം സർക്യൂട്ടിന് കോട്ടയം ജില്ലയിൽ തുടക്കമായി
- URL: https://www.vaikomvartha.com/lerrrr-ttuurrisn-s-kyuuttttin-koottttynjillyi-tuttkkmaayi/
- Published: 2026-01-10T14:51:19.000Z
- Updated: 2026-01-10T14:52:27.000Z
- Author:  Vaikom Vartha News Desk
- Tags: Latest News

**എസ്. സതീഷ്കുമാർ** 

കോട്ടയം: ഇന്ത്യയിലെ ആദ്യത്തെ ഭാഷാ- സാഹിത്യ-സാംസ്കാരിക മ്യൂസിയമായ അക്ഷരം മ്യൂസിയം സംഘടിപ്പിക്കുന്നതാണ് ലെറ്റർ ടൂറിസം. മറിയപ്പള്ളി അക്ഷരം മ്യൂസിയത്തിൽ നിന്നാരംഭിച്ച യാത്ര, മന്ത്രി വി.എൻ. വാസവൻ ഫ്ലാഗ് ഓഫ്‌ ചെയ്തു. ഐതിഹ്യമാലയുടെ കർത്താവായ കൊട്ടാരത്തിൽ ശങ്കുണ്ണിയുടെ സ്മാരകം മുതൽ അച്ചടി പാരമ്പര്യത്തിന്റെ മുഖമുദ്രയായ സി.എം.എസ്. പ്രസ്സ് വരെയാണ് ലൈറ്റർ ടൂറിസം യാത്ര.

0:00 

/1:03 

1× 

പത്തിലേറെ ചരിത്ര-പൈതൃക കേന്ദ്രങ്ങളിലൂടെയാണ് ഈ യാത്ര നടത്തുന്നത്. സി.എം.എസ് കോളജ്, ബെഞ്ചമിൻ ബെയ്‌ലി മ്യൂസിയം തുടങ്ങിയ കേന്ദ്രങ്ങളിലൂടെ സഞ്ചരിച്ച് കുമാരനല്ലൂർ ശേവധി മ്യൂസിയം ആൻഡ് ഇൻഡോളോജിക്കൽ റിസർച് ഇൻസ്റ്റിറ്റ്യൂട്ടിലാണ് യാത്ര അവസാനിക്കുന്നത്. കറുകച്ചാൽ ഉപജില്ലയിൽ ലിറ്റിൽ മാസ്റ്റേഴ്സ് പ്രോഗ്രാമിൽ ഭാഗമായ വിവിധ സ്കൂളുകളിലെ 10 വിദ്യാർഥികളും അധ്യാപകരുമാണ് യാത്രയുടെ ഭാഗമായത്.  
ജോയിന്റ് റജിസ്ട്രാർ ജനറൽ ഇൻ ചാർജ് കെ.പി. ഉണ്ണികൃഷ്ണൻ നായർ, സാഹിത്യപ്രവർത്തക സഹകരണ സംഘം സെക്രട്ടറി എസ്. സന്തോഷ് കുമാർ,അക്ഷരം മ്യൂസിയം മാനേജർ രാജീവ് എം. ജോൺ, ബി.ശശികുമാർ, കെ. പ്രശാന്ത്, കെ.ജെ.അനിൽകുമാർ എന്നിവർ ഫ്ലാഗ് ഓഫ് ചടങ്ങിൽ പങ്കെടുത്തു. അക്ഷരം മ്യൂസിയം സംഘടിപ്പിക്കുന്ന ലെറ്റർ ടൂറിസം സർക്യൂട്ടിന്റെ ഭാഗമാകാൻ പൊതു ജനങ്ങൾക്കും അവസരമുണ്ട്. താൽപര്യമുള്ളവർക്ക് ഈ നമ്പരുകളിൽ ബന്ധപ്പെടാം.  
9567829587, 0481-2080553.