> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ലൈബ്രറി കൗൺസിൽ താലൂക്ക് സംഗമം
- URL: https://www.vaikomvartha.com/library-council-thaluk-samelanam/
- Published: 2026-05-31T01:13:00.000Z
- Updated: 2026-05-31T01:13:00.000Z
- Author:  Vaikom Vartha News Desk
- Tags: Latest News

തലയോലപ്പറമ്പ്: വൈക്കം താലൂക്ക് ലൈബ്രറി കൗൺസിൽ താലൂക്ക് സംഗമം തലയോലപ്പറമ്പിൽ നടന്നു. കെ.ആർ ആഡിറ്റോറിയത്തിൽ നടന്ന സംഗമം വൈക്കം ബ്ലോക്ക് പഞ്ചായത്ത് പ്രസിഡൻ്റ് കെ.കെ ശശികുമാർ ഉദ്ഘാടനം ചെയ്തു. താലൂക്ക് ലൈബ്രറി കൗൺസിൽ പ്രസിഡൻ്റ് കെ.സി കുമാരൻ അദ്ധ്യക്ഷത വഹിച്ച ചടങ്ങിൽ ജോയിൻ്റ് സെക്രട്ടറി ടി എ ജയകുമാർ പ്രവർത്തനറിപ്പോർട്ട് അവതരിപ്പിച്ചു. ലൈബ്രറി കൗൺസിൽ ജില്ലാ എക്സിക്യൂട്ടീവ് കമ്മറ്റിയംഗവും മുൻ ജില്ലാ സെക്രട്ടറിയുമായ അഡ്വ.എൻ ചന്ദ്രബാബു ജില്ലാ തലപദ്ധതികൾ വിശദീകരിച്ചു. താലൂക്ക് സെക്രട്ടറി ആർ. പ്രസന്നൻ വരവു ചെലവു കണക്കും 2026-27 വർഷത്തെ ബജറ്റും, തുടർ പ്രവർത്തന രേഖയും അവതരിപ്പിച്ചു. ജില്ലാ വൈസ് പ്രസിഡൻ്റ് കെ.ആർ ബീന, താലൂക്ക് വൈസ് പ്രസിഡൻ്റ് അഡ്വ.എം.ജി രഞ്ജിത്ത്, ടി.കെ ഗോപി, കെ.എൻ. ഭാസ്ക്കരൻ, സി.ആർ. പുരുഷോത്തമൻ, ആഷാ മോഹൻ, പി.ആർ. സരീഷ് കുമാർ, കെ.എസ് രാജൻ, പി.കെ. സോമൻ എന്നിവർ പങ്കെടുത്തു.