> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ലക്ഷദ്വീപിൽ ബുധനാഴ്ചകൾ ഇനി നോ വെഹിക്കിൾ ഡേ
- URL: https://www.vaikomvartha.com/lkssdviipi-budhnaalllck-ini-noo-vehikki-ddee/
- Published: 2026-02-18T11:09:57.000Z
- Updated: 2026-02-18T11:09:57.000Z
- Author:  Vaikom Vartha News Desk
- Tags: Latest News

കവരത്തി: ഫെബ്രുവരി 25 മുതൽ ലക്ഷദ്വീപിലെ എല്ലാ ദ്വീപുകളിലും ബുധനാഴ്ചകൾ നോ വെഹിക്കിൾ ഡേ ആയിരിക്കുമെന്ന് ലക്ഷദ്വീപ് ഭരണകൂടത്തിൻ്റെ ഉത്തരവ്. 

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/02/1000438492.jpg)

പൊതുജനാരോഗ്യം മെച്ചപ്പെടുത്തുന്നതിനും വാഹനങ്ങളിൽ നിന്നുള്ള മലിനീകരണം കുറയ്ക്കുന്നതിനുമാണ് ഈ നടപടി. ബുധനാഴ്ചകളിൽ ഭിന്നശേഷിക്കാർ ഉപയോഗിക്കുന്ന വാഹനങ്ങൾ, സുരക്ഷാ ആവശ്യങ്ങൾക്കുള്ള വാഹനങ്ങൾ, അടിയന്തര മെഡിക്കൽ സേവനങ്ങൾക്ക് ഉപയോഗിക്കുന്ന വാഹനങ്ങൾ എന്നിവ ഒഴികെ മറ്റ് എല്ലാ മോട്ടോർ വാഹനങ്ങളും റോഡുകളിൽ നിരോധിച്ചു. ഉത്തരവ് ലംഘിക്കുന്ന വാഹനങ്ങൾക്ക് 500 രൂപ പിഴ ഈടാക്കും.നടന്ന് സഞ്ചരിക്കൽ, സൈക്കിൾ യാത്ര എന്നിവ പ്രോത്സാഹിപ്പിക്കുന്നതിന്റെ ഭാഗം കൂടിയാണ് നോ വെഹിക്കിൾ ഡേ നടപ്പിലാക്കുന്നത്. ബന്ധപ്പെട്ട എല്ലാ വകുപ്പുകളും പൊതുജനങ്ങളും ഉത്തരവ് പാലിക്കണമെന്നും ഭരണകൂടം അഭ്യർത്ഥിച്ചു. ഈ ഉത്തരവ് 2026 ഫെബ്രുവരി 25 മുതൽ പ്രാബല്യത്തിൽ വരും. ജനറൽ അഡ്മിനിസ്ട്രേഷൻ & പ്രോട്ടോക്കോൾ വിഭാഗത്തിന്റെ അനുമതിയോടെയാണ് ഉത്തരവ് പുറപ്പെടുവിച്ചതെന്ന് ജില്ലാ കളക്ടറും സെക്രട്ടറിയുമായ ഡോ.ആർ. ഗിരി ശങ്കർ ഐ.എ.എസ് അറിയിച്ചു.