> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ലോഗോ പ്രകാശനം ചെയ്തു
- URL: https://www.vaikomvartha.com/loogoo-prkaashnn-ceytu/
- Published: 2026-05-29T15:12:15.000Z
- Updated: 2026-05-29T15:12:15.000Z
- Author:  Vaikom Vartha News Desk
- Tags: Latest News

വൈക്കം: ഉദയനാപുരം സർവ്വീസ് സഹകരണ ബാങ്കിൻ്റെ ഒരു വർഷക്കാലം നീണ്ടുനിൽക്കുന്ന ശതാബ്ദി ആഘോഷ പരിപാടികൾക്ക് തുടക്കമാവുന്നു. ആഘോഷ പദ്ധതികൾക്ക് മുന്നോടിയായി ശതാബ്ദി ലോഗോ വൈക്കം ബ്ലോക്ക് പഞ്ചായത്ത് പ്രസിഡൻ്റ് കെ.കെ. ശശികുമാർ പ്രകാശനം ചെയ്തു. ലോഗോ പ്രമുഖ സഹകാരി പ്രഭാകരൻ തോട്ടുപുറം ഏറ്റുവാങ്ങി. ചടങ്ങിന് ബാങ്ക് പ്രസിഡൻ്റ് കെ.എം. മുരളീധരൻ അദ്ധ്യക്ഷത വഹിച്ചു. ഉദയനാപുരം പഞ്ചായത്ത് പ്രസിഡൻ്റ് കെ.ജി. രാജു, സാബു പി. മണലൊടി, കെ.എസ്. ഗോപിനാഥൻ, പി.വി. പുഷ്കരൻ, അക്കരപ്പാടം ശശി, എം.ജി രഞ്ജിത്ത്, ബാങ്ക് സെക്രട്ടറി വി.എൻ. വിനോയി തുടങ്ങിയവർ പ്രസംഗിച്ചു. ശതാബ്ദി ആഘോഷത്തോടനുബന്ധിച്ച് വിപുലമായ പദ്ധതികളാണ് ബാങ്ക് നടപ്പാക്കുന്നത്. വല്ലകത്ത് പ്രവർത്തിക്കുന്ന ബാങ്ക് ശാഖാ കെട്ടിടം ആധുനിക സൗകര്യങ്ങളുള്ള ശതാബ്ദി സ്മാരക മന്ദിരമായി പുനർനിർമ്മിക്കും. വിവിധ നിക്ഷേപ വായ്പാ പദ്ധതികളും ഈ കാലയളവിൽ നടപ്പാക്കും. സഹകരണശക്തി നമ്മുടെ ശക്തി എന്ന ലക്ഷ്യം കൈവരിക്കുന്നതിന് വിപുലമായ മെമ്പർഷിപ്പ് കാമ്പെയിൻ പ്രവർത്തന പരിധിയിലുള്ള മുഴുവൻ വീടുകളിലും നടപ്പാക്കുമെന്നും ബാങ്ക് ഭാരവാഹികൾ അറിയിച്ചു.