> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# അട്ടപ്പാടിമധു വധക്കേസ് ഒന്നാം പ്രതി ഹുസൈനെ ഹൈക്കോടതി വെറുതെ വിട്ടു
- URL: https://www.vaikomvartha.com/madhu-attappadi-case/
- Published: 2026-05-25T05:27:00.000Z
- Updated: 2026-05-25T05:27:00.000Z
- Author:  Vaikom Vartha News Desk
- Tags: Latest News

എറണാകുളം: അട്ടപ്പാടി മധു കൊലക്കേസ് ഒന്നാംപ്രതി ഹുസൈന്റെ ശിക്ഷ ഹൈക്കോടതി റദ്ദാക്കി. മണ്ണാർക്കാട് പ്രത്യേക കോടതിയുടെ ശിക്ഷാ വിധിക്കെതിരെ പ്രതികളും സംസ്ഥാന സർക്കാരും സമർപ്പിച്ച അപ്പീലുകളിലാണ് ഈ വിധി ഉണ്ടായത്. രണ്ടു പ്രതികളെ വെറുതെവിട്ട നടപടിയും കോടതി ശരിവച്ചു. 12 പ്രതികളുടെ അപ്പീൽ തള്ളിയിട്ടുണ്ട്. പതിനാറ് പേരിൽ പതിനാല് പേരെയാണ് കോടതി ശിക്ഷിച്ചിരുന്നത്. ഇതിൽ 13 പേർക്ക് ഏഴുവർഷം കഠിനതടവും, ഒരാൾക്ക് മൂന്നുമാസം തടവുമായിരുന്നു ശിക്ഷ നൽകിയിരുന്നത്. ശിക്ഷിക്കപ്പെട്ടവർക്കും, വെറുതേ വിട്ടവർക്കും ജീവപര്യന്തം തടവുശിക്ഷ നൽകണമെന്നാണ് സർക്കാർ അപ്പീൽ നൽകിയത്. ഇതിൽ ശിക്ഷ റദ്ദാക്കണമെന്ന് ആവശ്യപ്പെട്ടാണ് ഏഴുവർഷം തടവിന് ശിക്ഷിക്കപ്പെട്ട 13 പേർ ഹൈക്കോടതിയെ സമീപിച്ചത്. 2018 ഫെബ്രുവരി 22നാണ് പാലക്കാട് അട്ടപ്പാടിയിൽ ആദിവാസി യുവാവായ മധുവിനെ മോഷണക്കുറ്റം ആരോപിച്ച് കൊലപ്പെടുത്തിയത്.