> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# മാതൃദിനത്തിൽ അമ്മമാരെ ആദരിച്ച് കുടുംബ സംഗമം
- URL: https://www.vaikomvartha.com/mathrusangamam/
- Published: 2026-05-10T07:58:40.000Z
- Updated: 2026-05-10T07:58:40.000Z
- Author:  Vaikom Vartha News Desk
- Tags: Latest News

തലയോലപ്പറമ്പ് : എസ്.എൻ.ഡി.പി യോഗം തലയോലപ്പറമ്പ് 706-ാം നമ്പർ ശാഖ കുമാരനാശാൻ സ്മാരക കുടുംബ യൂണിറ്റിൻ്റെ കുടുംബ സംഗമത്തിലാണ് മുതിർന്ന അമ്മമാരെ ആദരിച്ചത്.  
വാർഷികാഘോഷവും കുടുംബ സംഗമവും എസ്.എൻ.ഡി.പി തലയോലപ്പറമ്പ് യൂണിയൻ സെക്രട്ടറി അഡ്വ.എസ്.ഡി സുരേഷ് ബാബു ഉദ്ഘാടനം ചെയ്തു.  
ആഘോഷകമ്മറ്റി ചെയർമാൻ എൻ.സി നടരാജൻ അധ്യക്ഷത വഹിച്ചു. ശാഖായോഗം പ്രസിഡൻ്റ് അഡ്വ.വൈ. സുധാംശു മുഖ്യപ്രഭാഷണം നടത്തി.  
വനിത സംഘം യൂണിയൻ പ്രസിഡൻ്റ് ധന്യാ പുരുഷോത്തമൻ മുതിർന്ന അമ്മമാരെ ആദരിച്ചു.  
ഉയർച്ചയിലേക്കൊരു ചുവട് എന്ന വിഷയത്തിൽ ഡോ. സതീഷ് എസ്. പോറ്റി പ്രഭാഷണം നടത്തി. പ്രസന്ന ബേബി, വി.ആർ. ശ്രീകല, കെ.കെ. പ്രസാദ് കൊറ്റാടി, സി.കെ. രാജൻ നിസ്സരി, വി.എൻ. രമേശൻ വകുപ്പടവിൽ, കെ.ഡി. ബാബു കോതാവേലിൽ എന്നിവർ പ്രസംഗിച്ചു.