> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# മഴക്കാലപൂർവ്വ ശുചീകരണം
- URL: https://www.vaikomvartha.com/mlllkkaalpuu-vv-shucikrnnn/
- Published: 2026-05-23T11:12:38.000Z
- Updated: 2026-05-23T11:14:04.000Z
- Author:  Vaikom Vartha News Desk
- Tags: Latest News

ഉദയനാപുരം: ഉദയനാപുരം പഞ്ചായത്തിലെ മഴക്കാലപൂർവ്വ ശുചീകരണ പ്രവർത്തനങ്ങളുടെ ഭാഗമായി പടിഞ്ഞാറേക്കര സർക്കാർ എൽ.പി. സ്കൂൾ പരിസര ശുചികരണം തുടങ്ങി. ശുചീകരണ പരിപാടി പഞ്ചായത്ത് പ്രസിഡണ്ട് കെ.ജി. രാജു ഉദ്ഘാടനം ചെയ്തു. സ്കൂൾ പ്രഥമ അദ്ധ്യാപിക പ്രമീളാ ദേവി, വിദ്യദ്യാസ സ്റ്റാൻഡിംഗ് കമ്മറ്റി ചെയർമാൻ അജിതാ മധുകുട്ടൻ, പഞ്ചായത്ത് അംഗങ്ങളായ മിനി മനയ്ക്കൽ പറമ്പിൽ, ടി.പി. രാജലഷ്മി തുടങ്ങിയവർ സ്കൂൾ ശുചീകരണത്തിന് നേതൃത്വം നൽകി. അദ്ധ്യയന വർഷം ആരംഭിക്കുന്നതിന് മുൻപ് സർക്കാർ നിർദ്ദേശങ്ങൾക്ക് അനുസൃതമായ എല്ലാ മുന്നൊരുക്കളും പൂർത്തിയായി വരികയാണെന്ന് പഞ്ചായത്ത് പ്രസിഡണ്ട് കെ.ജി. രാജു പറഞ്ഞു. പടിഞ്ഞാറേക്കര, വാഴമന, അക്കരപ്പാടം, ഓളി, ഇരുമ്പൂഴിക്കര, നേരേ കടവ് എന്നിവിടങ്ങളിലെ സ്കൂളുകളാണ് ഉദയനാപുരം പഞ്ചായത്തിൻ്റെ കീഴിൽ പ്രവർത്തിക്കുന്നത്.