> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# മന്നം പ്രതികരണ വേദി രൂപീകരിച്ചു
- URL: https://www.vaikomvartha.com/mnnn-prtikrnn-veedi-ruupiikriccu/
- Published: 2026-03-01T15:33:42.000Z
- Updated: 2026-03-01T15:33:42.000Z
- Author:  Vaikom Vartha News Desk
- Tags: Latest News

വൈക്കം: തോട്ടകത്ത് 40-ൽ പരം കുടുംബങ്ങൾ ചേർന്ന് മന്നം പ്രതികരണ വേദി എന്ന സംഘടന രൂപീകരിച്ചു. ജ്യോതിഷാചാര്യൻ ആനന്ദവർദ്ധന വാര്യർ യോഗം ഉദ്ഘാടനം ചെയ്തു. നായർ ഐക്യവേദി കോട്ടയം ജില്ലാ വൈസ് ചെയർമാൻ വി.എൻ. ഗോപകുമാർ സംഘടനയുടെ ഉദ്ദേശ്യ ലക്ഷ്യങ്ങൾ വിശദീകരിച്ചു. ജസ്റ്റീസ് ഹരിഹരൻ നായർ കമ്മീഷൻ റിപ്പോർട്ട് നടപ്പിലാക്കണമെന്നാവശ്യപ്പെട്ട് നായർ ഐക്യവേദിയുടെ നേതൃത്വത്തിൽ കാസർഗോഡ് നിന്നാരംഭിക്കുന്ന ജാഥക്കും സെക്രട്ടേറിയറ്റ് മാർച്ചിനും യോഗം പിന്തുണ പ്രഖ്യാപിച്ചു. സെക്രട്ടേറിയറ്റ് മാർച്ചിൽ 50 പേരെ പങ്കെടുപ്പിക്കുന്നതിനും തീരുമാനിച്ചു. വിനോദ് കുമാർ സ്വാഗതവും കൃഷ്ണകുമാർ നന്ദിയും പറഞ്ഞു. ഭാരവാഹികളായി എം.ജെ. കൃഷ്ണകുമാർ പ്രസിഡൻ്റ്), ഉണ്ണികൃഷ്ണൻ (വൈസ് പ്രസി.), വി.എൻ. ഗോപകുമാർ (സെക്രട്ടറി), ഷിബു ഗോപിനാഥ് (ജോ. സെക്രട്ടറി), ജി. വിനോദ് കുമാർ (ട്രഷറർ) എന്നിവരെയും വനിതാ വിഭാഗം കൺവീനർമാരായി വിജയകുമാരി, ഉഷ, മഞ്ജു എന്നിവരെയും തിരഞ്ഞെടുത്തു.